VOV4.Bahnar - Xăh groi kông Dũng Phong, apu\ng Cao Phong jing xăh mă blu\ng kơ dêh char Hòa Bình đei xkơ\t keh đang 19 tơdrong tơchơ\t pơjing tơring pơxe\l ‘nao. Ato\k mu\k drăm var pơgar choh jang xa đei lăng hơyak tih tên kơ tơdrong jang hăm lơ um ru\p pơyua găh mu\k drăm.

            Xăh groi kông Dũng Phong, apu\ng Cao Phong hăm hơgăt teh tơnap tap kơ ming man hnam oei, anih jang. Tơdrong tơgop đơ\ng tơpôl kon pơlei ưh kơ đei lơ, kxo# unh hnam hin dơnuh noh lơ, tơdrong tơgu\m đơ\ng teh đak adoi ưh kơ ke\ tôm. Bngai Mường đei hloh 90% kxo# măt bngai. Bơ\ jang hăm nhôn, jơnu\m pơgơ\r xăh Dũng Phong ăn tơbăt, xăh pơngơ\t kơ đon hăm tơdrong vă axong jang ato\k mu\k drăm tơpôl păng mă hăt noh chă trong jang [lep ăn tơring. Pơjing tơring pơxe\l ‘nao noh jing trong tơm vă tơdrong erih kon pơlei gơh hơto\k hloh adrol ki. Pơma noh jang hloi, xăh Dũng Phong xkơ\t xơnong jang tơm noh ato\k choh jang xa, hăm trong pơih xă hơgăt teh pơtăm kơtao păng tơm kro#i, atu\m hăm tơplih hdre\ch ‘long pơtăm kon yo\ng, atu\m hăm noh io\k yua tơdrong rơgei khoa ho\k kih thuơ\t vă hơto\k jang đei yua lơ hloh. ‘Nâu jing hơyak pran kơtang hăm minh xăh groi kông juăt choh jang xa, kon pơlei adro# juăt hăm trong jang xo xơ\ đe\ch.

     Đơ\ng tơle\ch jang kiơ\ um ru\p pơjing tơring pơxe\l ‘nao truh dang ei, xăh hlôi đei apu\ng tơgu\m ăn je# 500 triu hlak jên vă pơjing tơring pơtăm tơm kro#i, plei quyt păng hlôi jang keh kong pơtăm đei hloh 60 ha. 2 păh jăl trong  rei kxu năm truh tơ\ xăh noh mir kơtao atu\m hăm pơgar tơm kro#i, quyt đum dreng, brê [enh kơ xơdrai tơm. Lơ\m dôm năr tơje# Tết nguyên đán, rim năr đei dôm j^t tong gre mơ\t le\ch ke\t keng truh tơ\ xăh vă răt tơmam drăm ‘nhăk te\ch tơ\ Hà Nội. Tơ\ mir pơgar Nà Bái đunh kơ âu dôm xơnăm adrol ki duh oei pơtăm hơ[o, [um noh dang ei đei pơtăl hăm tơm kro#i, quyt. Tơ\ pơgar kro#i xă 4.000 mét vuông kơ unh hnam ‘nho\ng Trần Văn Hợp, dôm j^t ‘nu bngai hăt hot oei pe\ plei kro#i ‘ngam. Hăm 70 triu hlak jên axong jang đơ\ng blu\ng pơyan, jo# hơlen tơdrong pơyua ăn unh hnam ‘nho\ng Hợp đei pơhlom 400 triu hlak jên. ‘Nho\ng Trần Văn Hợp tơroi: Pơtêng hăm jang mu\k drăm noh io\k yua đơ\ng tơm kro#i thoi âu noh lơ hloh. Te\ch plei kro#i nhen dang ei noh xđơ\ng kơlih đei anih kơchơ tơm năm răt vă axong te\ch rim tơring. Kơdih po inh duh nhen kon pơlei tơ\ apu\ng Cao Phong âu duh ‘meh vă đei anih te\ch xđơ\ng. Khei năr truh, hơbo\ hơgăt pơtăm tơm kro#i gô pơih xă hloh)

    Xăh Dũng Phong pơjing trong jang ‘nao tơgu\m pơjing anih te\ch tơle\ch tơmam hăm kxo# jeê truh dôm j^t triu hăm minh pơgar jang ăn dôm unh hnam vang jang, atu\m hăm noh pơm trong hiôk găh hla bar hành chính, axong jang, tơgu\m dăng tơlei unh hơyuh, trong nơnăm, hơbong pơro đak djăh đak to\ng... Kiơ\ đơ\ng tơm hlôi đei pơjing đơ\ng dôm xơnăm adrol ki yuơ đei jơnei lơ găh mu\k drăm var pơgar pơyua, xăh Dũng Phong hlôi ako\m axong kơ tih hlak jên vă dăng tơlei unh hơyuh, trong nơnăm, hnam pơgang.... pơm trong hiôk ăn tơdrong pơm jang, te\ch pơdro tơmam drăm, hơto\k tơdrong erih ăn kon pơlei. Truh dang ei, trong nơnăm tơ\ xăh Dũng Phong hiôk hian ăn tơdrong vih vơ\t. Kơchơ tơ\ anih tơm xăh hăm tôm tơmam drăm yua. Trong nơnăm tơroh lơ\m tơring đei rei kxu tôm, lơ\m noh trong đơ\ng tơring Nà Bái (Dũng Phong) năm tơ\ Khuộn păng tơring Nam Thành (Nam Phong) 3 km. Dôm jăl trong pơlei pơla adoi đei man hăm bê tông ngăl; 100% unh hnam kon pơlei đei unh hơyuh yua, vei xđơ\ng găh unh hơyuh. Hnam pơgang đei xkơ\t [lep kiơ\ pơkăp kơ teh đak... {ok Nguyễn Quang Vinh jing minh lơ\m kơ hre\ng ‘nu kon pơlei tơ\ xăh Dũng Phong plang teh, bơ\ trong nơnăn ăn tơbăt: (Unh hnam inh [ôh kăl đei jơhngơ\m đơ\ng tôm bngai atu\m drơ\ng nơ\r, pơih jăl trong vă vih vơ\t chơ tơmam drăm hiôk hian hloh. Đơ\ng đei tơdrong xkơ\t pơjing tơring pơxe\l ‘nao, inh [ôh xăh inh xđơ\ng ‘lơ\ng ro\ hloh pơtêng hăm dôm xơnăm adrol. Rim unh hnam, rim bngai pơlong băl ato\k pơm jang mu\k drăm. Dôm xơnăm kơ âu, mu\k drăm kon pơlei lơ\m xăh âu ato\k [ôh hơdăh)

Kiơ\ tơdrong tơroi găh ato\k mu\k drăm tơpôl xăh Dũng Phong, xơnăm 2014, đei io\k yua  24 triu hlak jên hăm minh ‘nu jang lơ\m minh xơnăm. Kxo# unh hnam hin dơnuh tơjur kiơ\ xơnăm. Xăh hơvơn đei 44 tih hlak jên vă xkơ\t pơjing tơring pơxe\l ‘nao. Ke\ đei jơnei âu, anih jang Đảng xăh Dũng Phong tơre\k kăp g^t pơtru\t kơtang tơdrong hơvơn io\k kang [o#, đảng viên jing bngai yuk trong hơlâu lơ\m tơdrong pơ ‘ngoaih jih trong vă io\k teh tơmăn tơgop teh păng jên ming man tơdrong kăl ăn tơpôl... Rim khei, rim jăl, anih jang đảng pơgơ\r hop ako\m hăm bí thư chi bộ, kdră, pho\ kdră anih jang, jơnu\m tơpôl, rim thôn pơlei vă băt hơdăh pơtoi pơgơ\r jang, ưh kơ đei le# tơdrong tơhlăk tơhl^n dăh mă ble\k kơ đon lơ\m tơpôl kon pơlei. {ok Bùi Văn Sắng, kdră anih jang vei lăng kon pơlei xăh Dũng Phong tơroi: (Ưh kơ xx^ nhôn đei xkơ\t mă nhôn pơdơh. Nhôn gô pơtoi adrin pơm thoi yơ vă vei xđơ\ng keh kong dôm tơdrong tơchơ\t jang. Nhôn xkơ\t pơjing tơring pơxe\l ‘nao, teh đak duh oei pơtoi hơlen rim xơnăm nhôn đei jang yă kiơ dăh mă ưh kơ đei jang keh yă kiơ vă xkơ\t pơkăp. Nhôn pơtoi hơvơn kon pơlei pơjing, pơ ‘lơ\ng đơ\ng unh hnam po truh tơ\ pơlei pơla, xăh. Adrin pơm thoi yơ vă mu\k drăm tơpôl kơ xăh roi năr roi ato\k hloh, tơdrong erih kon pơlei roi năr roi đei hơto\k [ôh hơdăh)

Pơyan puih mak âu, kon pơlei xăh Dũng Phong chơt hơ iă kơlih plei kro#i Cao Phong đei Anih tơm Khoa ho\k - Ko\ng nghe# pơjao hla bar xkơ\t găh teh, kro#i đei lơ plei păng kjă te\ch kăp... Tơ\ hơla hnam kjung, hăm tơbu\k kơmâu pơkao plei mận plei mơ chôh dreng drut kơ pơgar kro#i đum [enh [ang nhen le\ tơdrong chơt hơ iă kơ kon pơlei tơ\ xăh pơxe\l ‘nao âu roi năr roi đei hơto\k hloh dơ\ng. Lơ jơva rơ ông rơ ang ching chêng atu\m hăm nơ\r hri pơtih pơto\ng duh jing kplăh pơyan puih mak chôt vih hăm pơlei pơla Mường - xăh Dũng Phong pơdro\ng ‘lơ\ng ro\...    (Lan tơblơ\ nơ\r Bahnar)