VOV4.Bahnar - Anih jang 715, Binh đoàn 15, lơ\m Anih tơm linh teh đak bơ\n jing Anih linh jang mu\k drăm oei tơ\ tơring 4 xăh xơlam teh kơ apu\ng Ia Grai, dêh char Gia Lai. Pơm jang tơ\ tơring hin dơnuh, đei lơ tơxu\l tơxa\l găh ch^nh tr^, dôm xơnăm kơ âu, Anih jang hlôi tơle\ch lơ tơdrong jang vă vei xđơ\ng răh tơdrong jang, vă băt hơdăh tơpôl păng đon kơche\ng kon pơlei lơ\m tơring, vei xđơ\ng, ph^ tơto\ ăn tơring xơlam teh.

‘Nho\ng Rmah Phong, oei tơ\ pơlei Ó, xăh Ia O, apu\ng Ia Grai tơroi, minh j^t xơnăm adrol ki, pơlei Ó kơ ‘nho\ng tơje# hăm xơlam teh hin dơnuh tôch dêh: Hnam oei hyah hyok, kon pơlei năm jang tơ\ mir prăt xơnăm mă duh ưh kơ măh por xo\ng xa. Đơ\ng Anih jang 715 đei tơ iung pơjing, lơ hơdruh tơdăm lơ\m pơlei đei io\k jang tơ\ anih linh, đei xa jên khei xđơ\ng, đei pơtho ăn trong pơm jang var pơgar lơ\m hnam, noh tơdrong erih kon pơlei tơplih [ôh hơdăh. Lơ\m hnam kjăp ‘lơ\ng man hloh 400 triu hlak jên bơ\ đunh kơ âu 2 xơnăm, ‘nho\ng Rmah Phong akhan, tôm tơmam lơ\m unh hnam ke\ đei nhen dang ei noh, đei tơdrong tơgu\m tih tên đơ\ng Anih jang 715: “Xơ\ noh tơnap tap, năm jang por xa ưh kơ đei. Truh dang ei, Anih jang axong tơdrong ăn kơ nhôn, Atăm ba duh tơguăt hăm pơgar ‘long, jang vă to\k giơ\ng ‘lơ\ng, đei lơ kơtăk, pơyua xđơ\ng ăn bngai jang. Kon pơlei tơ\ pơlei Ó chơt hơ iă dêh.”

Vă pơjing dôm pơlei pơla hin dơnuh, kơtul chơ dư kơ kon pơlei Jarai tơ\ Ia O jing dôm pơlei pơla kjăp xđơ\ng, ph^ tơto\ nhen dang ei, lơ xơnăm kơ âu, Anih jang 715 hlôi tơle\ch lơ tơdrong jang hơvơn kon pơlei, lơ\m noh mă tơm noh jang tơguăt unh hnam. Hơdăh noh, rim ‘nu bngai Yuăn jang hăm 1 unh hnam bngai jang kon kông tơ\ tơring. Rim năr , dôm unh hnam jang tơguăt tơjra#m, pơma dơnuh, tơgu\m băl pơm jang păng erih xa. Unh hnam jang hlôh vao găh kih thuơ\t jang kôih kơtăk kxu noh pơtho ăn unh hnam tam mă gan hlôh vao găh kih thuơ\t. Lơ\m tơdrong erih, đe lăng băl nhen ‘nho\ng oh lơ\m hnam, hơlêm tơgu\m băl pơm jang, tơplih trong jang xo vă hơto\k tơdrong erih. Đunh khei năr, tơdrong jang tơguăt unh hnam hlôi đei jơnei kăp g^t lơ\m tơdrong hơto\k mu\k drăm ăn kon pơlei kon kông tơ\ tơring, tơgop xđơ\ng tơpôl tơ\ tơring. Thiếu tă Lương Tú Sơn, Kdră Khul kxo# 1, Anih jang 715 ăn tơbăt:“Lơ\m tơdrong năm apong, anih jang atu\m chă hơlen băt tơpôl. Kơlih lơ\m pơlei adrol ki đei minh [ar bngai kiơ\ Tin lành Đêga. Đơ\ng noh anih jang pơma dơnuh păng băt hơdăh đon kơche\ng đơ\ng rim unh hnam lơ\m tơring. Đơ\ng anih noh, ba tơtom hơlêm pơtho akhan kơ đe ye\t”

Dang ei, Anih jang 715, Binh đoàn 15 oei vei jang tơ\ 4 xăh tơring xơlam kơ apu\ng Ia Grai. Adrol âu ki, tơring âu hơnơ\ng đei bngai kơdâu glăi găn xơlam teh, minh [ar bngai noh kiơ\ Tin lành Đêga. Vă xđơ\ng tơpôl tơ\ tơring xơlam, tơje# hăm tơdrong jang mu\k drăm, Anih jang 715 hlôi jang atu\m kjăp hăm jơnu\m pơgơ\r tơring, khul ko\ng ang, linh vei xơlam teh... Kiơ\ đơ\ng tơdrong jang hơvơn pơtho kon pơlei, anih jang hlôi băt hơdăh tơpôl, đon kơche\ng kon pơlei, tơtom hơlên, tang găn dôm tơdrong pơm tơxu\l tơxa\l tơpôl ch^nh tr^ tơ\ tơring xơlam. Tơje# hăm noh, Anih jang io\k jang lơ tơdrong tơgu\m hăm kon pơlei jang tơ\ tơring, tơgu\m rim pơlei pơla pơjing tơring pơxe\l ‘nao, pơjing tơdrong erih xđơ\ng ‘lơ\ng, tơplih đon kơche\ng, trong pơm jang ăn kon pơlei. Dôm tơdrong tơplih găh mu\k drăm, tơpôl lơ\m tơring tơgu\m ăn tơdrong ch^nh tr^ adoi xđơ\ng [iơ\ mơ\n. Lơ xơnăm kơ âu, tơdrong kơdâu glăi găn xơlam teh păng pơm jang đơ\ng Tin lành Đêga tơ\ tơring pă đei oei bơih. {ok Rahlan Diếc, Kdră pơlei Ó, xăh Ia O, apu\ng Ia Grai ăn tơbăt:“ Đơ\ng đei anih jang âu iung jang tơ\ tơring, kon pơlei nhôn chơt hơ iă dêh. Đơ\ng ro\ng kơ iung jang noh tơdrong jang ăn kon pơlei tơ\ pơlei Ó ato\k tơ iung hơdăh, vei xđơ\ng tơpôl teh đak. Đơ\ng xơnăm 2004 truh dang ei ưh kơ đei tơxu\l tơxa\l găh ch^nh tr^, ưh kơ đei kơdâu glăi găn xơlam teh truh Campuchia.”

Vă mih ma duch nă băt hơdăh hloh găh trong pơkăp jang đơ\ng Anih jang Đảng, Jơnu\m pơgơ\r Anih jang 715, Binh đoàn 15 lơ\m tơdrong jang, duh nhen lơ\m tơdrong io\k vei xđơ\ng tơpôl tơ\ tơring mă po jang, tơ\ hơla âu, đei tơdrong pơma dơnuh hăm Đại tá Hoàng Ngọc Thành, {^ thư anih jang Đảng, Pho\ kdră anih jang 715, Binh đoàn 15.

-{ok ăi, apinh ih roi hơ dăh đon tơ che\ng đơ\ng An^h jang Đảng, Khul kơ dră che\p kơ\l công ty lơ\m tơ drong jang mu\k drăm tơ\ tơ ring lăng?

-Đại tá Hoàng Ngọc Thành: Công ty 715 jang mu\k drăm hơ dai hăm vei sơ đơ\ng te\h đak tơ\ 4 xăh sơ lam kơ apu\ng Ia Grai, dêh char Gia Lai. Tơ ring tơ\ âu ‘no\h j^ tơ ring atăih yăih, tơ ter jih te\h đak. Đơ\ng công ty năm tơ\ Campuchia kiơ\ trong xem păr lăp dang 12 km. Tơ ring tôch mơ mat tat thoi no\h, an^h jang, trong nơ năm ‘nao đei pơm pơ ‘lơ\ng đơ\ng sơ năm 2004 ki đe\ch. Kon pơ lei tơ\ âu erih xa oei tôch mơ mat, ưh đei hlôh vao jru\. Rim sơ năm, ‘ngoăih kơ bơ\ jang tơ drong jang tơm ‘no\h jang xa, te\ch mơ dro, khul kơ dră che\p kơ\l Đảng, khul kơ dră che\p kơ\l công ty oei chih hơ dăh tơ drong jang vei lăng sơ đơ\ng te\h đak păng bơ\ jang krao hơ vơn kon pơ lei, tơ gu\m ăn kon pơ lei jang ato\k tơ iung mu\k drăm, sut pơ đ^ pơ ngot, tơ jur tơ nuh hin ku\m jing m^nh tơ drong jang chinh tr^ đei pơ gơ\r jang hơ nơ\ng ‘năi.

Nhôn đei lơ trong jang tơ gu\m ăn đe sư vă đe sư đei tơ drong jang, pơm hơ to\k tơ drong erih xa ăn kơ dih. Nhôn oei tơ gu\m ăn đe sư pơ jing tơ drong erih xa ‘nao, kăl loi j^ pơm thoi yơ vă đe sư đei tơ drong jang sơ đơ\ng păng băt trong jang xa ‘nao vă pơm ‘lơ\ng ăn tơ drong erih xa kơ đe sư.

-Khei ‘năr âu ki, Công ty tơ le\ch jang dôm tơ drong kiơ vă jang ‘lơ\ng tơ drong jang xa, te\ch mơ dro hai, vei lăng ‘lơ\ng tơ drong sơ đơ\ng te\h đak tơ\ tơ ring sơ lam hai, hă [ok?

-Đại tá Hoàng Ngọc Thành: Rim sơ năm, nhôn chă io\k bơ ngai kon kông tơ\ tơ ring mât jang, tơ gu\m ăn kon pơ lei đei tơ drong jang, pơm hơ to\k tơ drong erih. Io\k đe sư mât jang jên pơ tho ăn đe sư jang ku\m lơ, mă lei nhôn oei adrin đe\ch. Tơ drong jang đơ\ng An^h khul linh jang mu\k drăm tơ\ tơ ring ‘no\h tơ gu\m ăn kon pơ lei. Mă 2, nhôn tơ gu\m ăn kon pơ lei găh ki thuât vei rong pơ gar ‘long vă đe sư pơ tăm dơ\ng pơ gơ gar cao su, pơ gar tiu, pơ gar điêu ăn kơ dih, tơ gu\m ăn đe sư bơ\n tơ đăh ‘long vă jang xa. Tơ\ âu, nhôn oei đei hnam pơ gang quân-dân y hai. Rim sơ năm nhôn io\k hơ met ăn hlo\h 1000 ‘nu bơ ngai, mă lơ ‘no\h j^ kon pơ lei. Nhôn oei jang hơ doi hăm rim hnam, ‘no\h j^ trong jang atu\m đơ\ng binh đoàn. Hrei ‘nâu công ty đei 455 u\nh hnam ko\ng nhân bơ ngai yoăn, jang hơ doi hăm ko\ng nhân bơ ngai kon kông tơ\ tơ ring. Kiơ\ đơ\ng jang hơ doi ‘no\h lăng băl nhen thoi ‘nho\ng o\h lơ\m hnam, tơ gu\m băl lơ\m tơ drong erih xa rim năr. ‘Ngoăih kơ tơ drong jang krao hơ vơn kon pơ lei, tơ gu\m ăn kon pơ lei jang ato\k tơ iung mu\k drăm ‘no\h nhôn oei jang ‘lơ\ng tơ drong jang vei sơ đơ\ng te\h đak. Nhôn ling lang năng tơ drong jang vei lăng sơ đơ\ng te\h đak j^ tơ drong jang chinh tr^ tơm hlo\h. Nhôn hơ nơ\ng jang hơ doi hăm đe kơ dră che\p kơ\l đảng, khul kơ dră tơ ring, hăm dôm khul linh tơ\ tơ ring pơm thoi yơ vă gơ\h vei kơ jăp tơ drong sơ đơ\ng, nhôn đei khul vei lăng sơ đơ\ng kơ dih chă pơ tâp pơ hrăm păng jang kiơ\ ‘lơ\ng nơ\r pơ tho đơ\ng Binh đoàn, jang kiơ\ ‘lơ\ng tơ drong tơ chơ\t jang hơ doi đơ\ng An^h che\p kơ\l Binh đoàn păng An^h che\p kơ\l khul linh Quân khu V, ko\ng an dêh char, an^h che\p kơ\l khul linh [ô đo#i apu\ng Ia Grai păng ko\ng an Ia Grai vă năm truh m^nh tơ drong tơm mă hơ tuch ‘no\h j^ vei lăng kơ jăp ‘lơ\ng tơ drong sơ đơ\ng tơ\ tơ ring.

-Apinh ih tơ roi hơ dăh dôm tơ drong đei yoa đơ\ng tơ le\ch jang dôm tơ drong kơ pal năng?

-Đại tá Hoàng Ngọc Thành: {ât sơ năm 2014-2015, tơ\ tơ ring âu đei lơ bơ ngai kơ dâu jăk tơ\ te\h đak đe. Kon pơ lei đơ\ng tơ ring nai truh, đei lơ bơ ngai [ơ\r đon kơ ne#, tơ jră te\h đak io\k yoa trong vei lăng lui khop đơ\ng Đảng, Te\h đak vă hơ le\nh pơ dăr, pơ hlu\ kon pơ lei kơ dâu jăk tơ\ te\h đak đe. Nhôn jang hơ doi ‘lơ\ng hăm dôm kơ đông linh vei lăng tơ ring sơ lam 707 păng 719 vă đei trong găn tơ tom. Tơ\ âu đei 2 tơ drong lui tơm ‘no\h lui Tin lanh tơ ring Pơ băh Việt Nam păng lui ko\ng yăo. M^nh [ar ‘nu bơ ngai kơ ne# chă mât tơ\ pơ lei tơ roi pơ che\h kư\ kă, jăm joă trong jang đơ\ng Đảng, te\h đak. Tơ drong ‘lơ\ng đơ\ng nhôn ‘no\h đei lơ khul jang xa oei xa hơ dai tơ\ pơ lei. Kơ na mưh [ôh bơ ngai kơ dâu tơ\ te\h đak đe dăh mă đei bơ ngai kơ ne# đơ\ng nai mât tơ\ pơ lei ‘no\h đe sư tơ roi ăn hloi. Nhôn jang hơ doi vă găn le#. Lơ\m dôm sơ năm âu ki, tơ drong sơ đơ\ng chinh tr^, sơ đơ\ng lơ\m tơ pôl tơ\ tơ ring đei vei lăng kơ jăp ‘lơ\ng.

-Lei à, bơ nê kơ ih hơ!

Lan hăm Dơ\ng: Tơ blơ\ păng pơ re