VOV4.Bahnar - Pơ gê 26/8, tơ̆ Hà Nội, pơ gơ̆r hop akŏm ‘măng mă 1 Anih pơ gơ̆r chih pơ jing tơ dỏng jang “Pơ tôch 15 sơ năm bơ̆ jang tơ drong Tơ chơ̆t Trung ương 5 (jăl 10) găh hơ nơ̆ng tơ plih ‘nao trong chĕp kơ̆l pơ gơ̆r đơ̆ng Đảng hăm tơ drong jang đơ̆ng rim anih jang chinh trĭ” tơ roi ăn Hop akŏm Trung ương 6 (jăl 13). Kơ dră Anih pơ gơ̆r Trung ương Trương Thị Mai pơ gơ̆r hop akŏm âu. Yă Trương Thị Mai, Kơ dră Anih pơ gơ̆r chih pơ jing tơ drong jang athei dôm bơ ngai jang lơ̆m Anih pơ gơ̆r jang hơ doi hăm Anih jang kơ pal hơ len năng, chă rơih dôm tơ drong jang.

Kiơ̆ kơ ‘nŏh, dôm tơ drong jang kăl đei chih akŏm ‘nŏh jĭ tơ drong tih, gĭt kăl, chih mă rơ đăh, ưh đei hơ drom băl, atŭm hăm ‘nŏh athei 1,2 anih jang đảng chih tơ roi găh tơ drong jang đei hai. Tơ drong jang athei đei jang kĕh lơ̆m khei 9-2022. Atŭm hăm ‘nŏh tơ tă, oei pă 1 sơ năm dơ̆ng vă tơ lĕch jang kiơ̆, mă lei tơ drong vă jang oei tôch xă, yoa thoi nŏh dôm bơ ngai jang lơ̆m Anih pơ gơ̆r athei hơ nơ̆ng tơ chĕng hơ len vă tơ gop nơ̆r chih pơ jing hla ar tơ roi păng dôm tơ drong jang tơ klep hăm hơ năp jang đơ̆ng anih jang đảng mă đe sư oei bơ̆ jang.

Dơ̆ng: Tơ blơ̆