VOV4.bahnar - Anih pơ gơ̆r Trung ương ‘nao pơ gơ̆r Hop akŏm trực tuyến tơ̆ 70 hơ nih pơ dăh ti vi vă hơ len lăng tơ drong jang pơ gơ̆r pơ jing Đảng jăl 3 păng tơ lĕch tơ drong jang dôm khei hơ tuch sơ năm. Pơ gơ̆r hop akŏm, Bơ ngai jang lơ̆m Anih tơm Chĭnh trĭ, Bí thư Trung ương Đảng, Kơ dră Anih pơ gơ̆r Trung ương Trương Thị Mai athei tơ̆ hơ năp kơnh kăl kơ tŭn pran tơ drong pơ trŭt rim kang ƀô̆ đei đon tơ chĕng tơ plih ‘nao, hơ gei, pơ̆n tơ chĕng, pơ̆n jang yua kơ tơ drong đei yua atŭm. Yă Trương Thị Mai kŭm pơ ma hơ dăh tơ drong hơ tŏk loi dơ̆ng tơ drong jang hơ len lăng, dăr lăng găh tơ drong jang pơ gơ̆r pơ jing Đảng đơ̆ng rim kơ dră đảng, khŭl đảng rim tơ ring, tơ tom chă ƀôh, pơ hrăm ming, pôk hơ păh, lang să dôm bơ ngai hơ gei, bơ ngai ‘lơ̆ng, tơ drong ‘lơ̆ng, trong jang hơ iă, tơ drong jang ‘nao, hơ gei lơ̆m tơ drong jang pơ gơ̆r pơ jing Đảng. Kơ dră Anih pơ gơ̆r Trung ương athei jang tơ gŭm bơ̆ jang tơ tom tơ drong jang rơ̆ih bơ ngai jang, vei sơ đơ̆ng ƀlep tơ drong kăl, gơh kĭ, trong jang, tơ drong hơ găt. Pơ jing trong tơ lĕch jang păng jang đang hơ len lăng, pơ proh tơ drong ‘lơ̆ng hăm khŭl đảng, đảng viên păng grŭp tơ pôl, kơ dih kang ƀô̆ chĕp kơ̆l, vei lăng rim tơ ring sơ năm 2021.

Thuem: Tơ blơ̆