VOV4.Bahnar - Tơ\ tơ ring sơ lam Tây Nguyên, tơ drong arih xa kơ kon pơ lei kon kông oei đei lơ tơ mơmat tat. Pơm thoi yơ vă tơ gu\m ăn mih ma duch nă tơ plih đei đon tơ che\ng, trong jang, pơ lei pơ la jang to\k ‘lơ\ng ‘no\h j^ tơ drong tôch tơ tăm đơ\ng an^h jang đảng, khul kơ dră tơ ring. M^nh lơ\m dôm tơ drong jang blu\ng a hơ nhăk đei io\k yoa ‘lơ\ng ‘no\h j^ tơ drong dôm kơ đông linh vei lăng tơ ring sơ lam ăn kăn [o#, đảng viên jur bơ\ jang tơ\ dôm xăh, pơ lei pơ la sơ lam te\h đak.

Hơ nơ\ng lơ\m dôm sơ năm ‘nâu, năr 6 kơ gie\ng mă 2 rim khei, Chi [o# plei Beng, xăh Ia Chía, apu\ng Ia Grai, dêh char Gia Lai pơ gơ\r hôp. Pơ lei đei 7 ‘nu đảng viên păng khei ‘năr tơ je# âu đei dơ\ng 1 ‘nu đảng viên ‘no\h j^ Trung úy Ngô Văn Hữu, kăn [o# tơ\ kơ đông linh vei lăng tơ ring sơ lam Ia Chía. Nhôn tôch pu\n đei truh hôp hơ dai hăm chi [o# plei Beng lơ\m khei ‘nâu. Hop ako\m đei pơ gơ\r tôch hơ iă, dôm đảng viên vang iung pơ ma tơ le\ch nơ\r vă pơm thoi yơ hop ako\m roi đei yoa ‘lơ\ng; pơm thoi yơ vă hơ to\k đon hlôh vao, tơ plih ming đon tơ che\ng, trong jang xa ăn mih ma duch nă lơ\m pơ lei. Kiơ\ đơ\ng no\h, vang pơm hơ to\k tơ drong arih xa ăn rim unh hnam, mă loi j^ hăm dôm unh hnam tơ nuh. Trung úy Ngô Văn Hữu ăn tơ băt, vang truh hôp hăm chi [o# pơ lei sư tơ gu\m ăn ‘nho\ng băt hơ dăh tơ drong hơ pơi ‘me\h đơ\ng mih ma duch nă. Đơ\ng no\h đei lơ nơ\r tơ gop ăn pơ lei ku\m nhen roi tơ [ôh ăn an^h jang đảng, khul kơ dră tơ ring lơ tơ drong lăp [iơ\:

“Bơ\ jang kiơ\ trong jang đơ\ng kơ pal păng adrin jang đ^ jơ hngâm vang truh hôp hăm chi [o#, tơ drong tơm ‘no\h vă hơ to\k tơ drong ‘lơ\ng đơ\ng chi [o# păng tơ guăt tơ drong jang vei lăng tơ ring sơ lam hăm tơ drong jang krao hơ vơn kon pơ lei. Kiơ\ đơ\ng ho\k hôp tơ\ pơ lei ba băt hơ dăh tơ drong ‘me\h vă đơ\ng mih ma duch nă vă đơ\ng noh roi tơ băt tơ tom ăn An^h jang đảng, khul kơ dră tơ ring, yo\ng khul linh chă đei trong jang tơ gu\m ăn kon pơ lei mă lăp [iơ\.”

Kră pơ lei Rơ Châm Chích, Bí thư chi [o# plei Beng, xăh Ia Chía, apu\ng Ia Grai, dêh char Gia Lai tơ roi, io\k đơ\ng đei đảng viên [ô đo#i vei lăng tơ ring sơ lam truh hôp hơ dai, chi [o# bơ\ jang roi đei yoa ‘lơ\ng. Đe đảng viên lơ\m pơ lei ku\m hlôh vao hơ dăh [iơ\ tơ drong jang đơ\ng kơ dih. Đơ\ng no\h, lơ đảng viên adrin hlo\h dơ\ng lơ\m tơ drong jang mu\k drăm, tơ [ôh trong chong glung ăn kon pơ lei rok. Lơ unh hnam đơ\ng no\h pơ\n tơ plih hơ dre\ch ‘long pơ tăm, đơ\ng lăp pơ tăm hơ [o, [um hlôi pơ tăm bơ\n che\h phe, điêu, chanh dây, pơ tăm ‘ngiet rong rơ mo, bơ be ro\ năng gô hơ nhăk đei io\k yoa lơ, pơm hơ to\k đei tơ drong arih:

“Kiơ\ đơ\ng tơ roi ăn kon pơ lei dôm trong jang, tơ drong tơ chơ\t đơ\ng Đảng, khôi luơ\t te\h đak, đang kơ ‘no\h roi tơ [ôh dôm trong jang đơ\ng tơ ring, tơ drong vei lăng trong, jrăng sơ lam đơ\ng kon pơ lei hăm [ô đo#i. Pơm thoi yơ vă hơ to\k tơ drong pơ vei oei xa hơ dai kơ jăp ‘lơ\ng đơ\ng linh hăm kon pơ lei tơ\ tơ ring sơ lam âu. Mă 2 ‘no\h j^ tơ drong ato\k tơ iung mu\k drăm vă sut pơ đ^ pơ ngot, tơ jur tơ nuh hin. Mă hơ tuch j^ kho\m vei kơ jăp tơ drong sơ đơ\ng chinh tr^, sơ đơ\ng tơ pôl tơ\ tơ ring sơ lam.”

Dêh char Gia Lai đei trong sơ lam kơ jung hlo\h 90 km kle\ch 7 xăh, 3 apu\ng, sơ lam hăm te\h đak Campuchia. Tơ\ trong sơ lam dêh char hlôi pơ jing đei 8 kơ đông linh vei lăng tơ ring sơ lam kơ jăp ‘lơ\ng. Đ^ đăng rim kơ đông linh đei rơih kăn [o#, đảng viên rơ gei ăn jur jang lơ\m Khul kơ dră che\p kơ\l đảng rim xăh. Hơ dro# tơ\ kơ đông linh Ia Chía, Đại úy Đặng Minh Cường, Pho\ Kơ dră che\p kơ\l kơ đông ăn tơ băt, kơ đông ăn 10 ‘nu bơ ngai jur bơ\ jang, oei xa, choh jang hơ dai hăm kon pơ lei tơ\ 10 pơ lei. ‘Nâu j^ khul jang tơm oei hơ dai hăm kon pơ lei vă tơ tom roi tơ băt ăn an^h jang đảng, khul kơ dră tơ ring ku\m nhen [ô đo#i vei lăng tơ ring sơ lam dêh char vă bơ\ jang ‘lơ\ng hlo\h dôm tơ drong jang mu\k drăm, tơ pôl, vei sơ đơ\ng chinh tr^ tơ\ tơ ring sơ lam:

“Hlo\h đơ\ng khei ‘năr âu ki, đei Kơ dră pơ gơ\r đảng, khul kơ dră che\p kơ\l tơ ring, kăn [o# đảng viên tơ\ tơ ring tơ che\ng ‘lơ\ng tơ drong kăn [o#, đảng viên vei lăng tơ ring sơ lam jur jang tơ\ pơ lei. Tơ [ôh [ât an^h, hăm chi [o#, kăn [o# vei lăng tơ ring sơ lam đei hơ năp jang chă tơ gu\m ăn chi [o# hơ met kơ jăp, che\p vei, pơm hơ to\k tơ drong ‘lơ\ng đơ\ng bơ\ jang, ho\k hôp. Mă 2 tơ gu\m ăn chi [o# pơ lei pơ la ku\m nhen khul kơ dră tơ ring vei kơ jăp tơ drong chinh tr^. Kiơ\ đơ\ng ho\k hôp hăm pơ lei, đe kăn [o# vei lăng tơ ring sơ lam băt hơ dăh rim tơ drong tơ\ tơ ring, dôm tơ drong hơ pơi ‘me\h ku\m nhen dôm tơ drong tih tơ\ tơ ring.”

Ku\m hăm jang ‘lơ\ng tơ drong vei lăng sơ đơ\ng te\h đak, [ô đo#i vei lăng tơ ring sơ lam Gia Lai ku\m đei lơ trong jang hơ iă, tơ gop g^t kăl ăn tơ drong jang ato\k tơ iung mu\k drăm, pơm hơ to\k tơ drong arih xa găh tơ mam drăm, jơ hngâm đon kon pơ lei tơ\ tơ ring sơ lam. Kiơ\ đơ\ng no\h, pơ jing đei tơ drong jang đ^ đăng kon pơ lei vang vei lăng kơ jăp ‘lơ\ng tơ ring sơ lam.

Lơ\m dôm sơ năm âu ki, {ô đo#i vei lăng tơ ring sơ lam dêh char Gia Lai hlôi jang ‘lơ\ng tơ drong jang j^ khul linh tơm io\k vei lăng tơ drong pơm tơm te\h đak, vei lăng tơ drong sơ đơ\ng chinh tr^, sơ đơ\ng tơ pôl tơ\ tơ ring sơ lam; tơ tom roi tơ băt, jang hơ doi hăm an^h jang đảng, khul kơ dră dôm tơ ring păng khul jang kơ pal tơ le\ch trong jang lăp ‘lơ\ng ăn rim tơ drong, vă huei kơ ưh ê; iung tơ blăh, sek tơ lang, tang găn dôm bơ ngai pơm yoch, mă loi j^ yoch ma túy păng tơ drong jang ôn đơ\ng Khul lui “Tin lành Đê-gar”, vang vei kơ jăp tơ drong sơ đơ\ng tơ\ tơ ring sơ lam. Đơ\ng ro\ng âu ‘no\h tơ drong pơ ma nuh hăm Đại tá Vũ Trung Kiên, Yo\ng An^h che\p kơ\l pơ gơ\r khul linh vei lăng tơ ring sơ lam dêh char Gia Lai.

- Tơ drong ăn đảng viên vei lăng tơ ring sơ lam jur tơ\ pơ lei, oei xa hơ dai hăm mih ma duch nă, jang hơ doi hăm an^h jang đảng, khul kơ dră tơ ring vă ato\k tơ iung mu\k drăm, tơ pôl păng vei kơ jăp tơ drong sơ đơ\ng chinh tr^, sơ đơ\ng tơ pôl tơ\ tơ ring sơ lam Gia Lai đei bơ\ jang thoi yơ lơ\m dôm sơ năm âu ki hă [ok?

-Đại tá Vũ Trung Kiên: Hlôh vao jang kiơ\ ‘lơ\ng tơ drong jang hơ doi đơ\ng kơ dră che\p kơ\l Đảng kơ An^h che\p kơ\l pơ gơ\r [ô đo#i vei lăng tơ ring sơ lam te\h đak hăm An^h jang đảng dêh char Gia Lai nhôn kơ chăng pơ jing trong jang hơ doi hăm An^h jang đảng 3 apu\ng sơ lam. Kiơ\ kơ ‘no\h, nhôn ako\m jang hơ doi đơ\ng An^h jang Đảng [ô đo#i vei lăng tơ ring sơ lam dêh char hăm an^h jang đảng 3 apu\ng sơ lam, pơ tho ăn rim kơ đông linh oei tơ\ tơ ring sơ lam, jang hơ doi hăm khul kơ dră tơ\ xăh, ako\m jơ hngâm jang chinh tr^, khul linh, mu\k drăm, jo\h ayo\ kơ do\ xoang, tơ pôl tơ\ tơ ring sơ lam. Kiơ\ đơ\ng io\k yoa khul kăn [o# vei lăng tơ ring sơ lam vang jang hăm an^h jang đảng, khul kơ dră tơ ring vă hơ met kơ jăp rim tơ drong. Kăl hlo\h j^ nhôn io\k yoa 7 ‘nu kăn [o# vei lăng tơ ring sơ lam, chă rơih 7 ‘nu bơ ngai rơ gei, đei đon ‘lơ\ng, jang tơ năp vang jur jang lơ\m an^h jang đảng tơ\ xăh. Truh dang ei hlôi đei 6 lơ\m 7 ‘nu kăn [o# io\k jang kơ chư\k Pho\ bí thư Đảng xăh. Păng nhôn chă rơih hlo\h 50 ‘nu kăn [o# linh vei lăng tơ ring sơ lam đơ\ng rim kơ đông vang jur hôp hăm dôm chi [o# pơ lei pơ lei. Nhôn pơ jao tơ drong jang ăn kăn [o# đơ\ng kơ đông io\k vei lăng, tơ gu\m ăn rim unh hnam.

- Hăm trong jang thoi âu, hlôi io\k đei tơ drong đei yoa thoi yơ hă [ok?

-Đại tá Vũ Trung Kiên: Dôm khul gru\p âu rim năr ku\m hăm an^h jang đảng, khul kơ dră tơ ring hơ met kơ jăp jơ hngâm pran găh chinh tr^, mu\k drăm; hơ to\k tơ drong jang tơ\ tơ ring păng roi tơ băt ăn kon pơ lei jang kiơ\ dôm trong jang đơ\ng Đảng tơ jur; păng hơ to\k đon hlôh vao găh hơ năp jang vei lăng trong, jrăng sơ lam te\h đak. Đơ\ng dôm tơ drong jang tôch rơ đăh ‘no\h mă dôm sơ năm âu ki nhôn pơ jing đei jơ hngâm đon kon pơ lei sơ đơ\ng kơ jăp tơ\ tơ ring sơ lam. Hăm jơ hngâm đon sơ đơ\ng ‘no\h sư pơm ăn kon pơ lei lui kơ Đảng, lui kơ khul kơ dră pơ gơ\r, kon pơ lei ku\m hăm khul linh vei lăng tơ ring sơ lam, khul kơ dră pơ gơ\r tơ ring hơ met kơ jăp rim tơ drong. Hơ dai hăm ‘no\h, nhôn jang hơ doi kơ jăp hăm công an, pơ jing trong jang đ^ đăng kon pơ lei vei kơ jăp tơ drong sơ đơ\ng te\h đak. Kiơ\ đơ\ng no\h jơ hngâm đon kon pơ lei lui sơ đơ\ng, tơ drong vei lăng sơ đơ\ng te\h đak păng dôm tơ drong vei lăng sơ đơ\ng tơ pôl đơ\ng kon pơ lei đei jang ‘lơ\ng, vei kơ jăp tơ drong sơ đơ\ng tơ\ tơ ring sơ lam te\h đak. Truh dang ei gơ\h pơ ma rim tơ drong [ơm truh tơ drong vei lăng sơ đơ\ng tơ\ tơ ring sơ lam hlôi ako\m đei đ^ đăng an^h jang chinh tr^ păng kon pơ lei vang bơ\ jang tôch tơ năp.

-Lei a, bơ nê kơ ih vang truh pơ ma nuh âu hơ.

Dơ\ng: Tơ blơ\