VOV4.Bahnar - Tơ̆ Hà Nội, Thượng tướng Phan Văn Giang, Yŏng Ƀô̆ đô̆i vei lăng sơlam tĕh đak bơ̆ jang hăm rim hơnĭh jang găh tơdrong jang vei lăng sơđơ̆ng ăn pôk rơ̆ih kơdră tang măt Kuô̆k hô̆i jăl XV păng kơdră tang măt Jơnŭm vei lăng kon pơlei jăl jang 2021 - 2026. Tơ̆ jơ bơ̆ jang, Thượng tướng Phan Văn Giang athei rim hơnĭh bơ̆ jang hơnơ̆ng atŏk kơtang rim trong jang băt hơdăh tơdrong, hơnơ̆ng tơbăt dĭh băl kơtơ̆ng ang ƀar păh rim khŭl ƀô̆ đô̆i, hơlen hơdăh, tơdra hơdrol ƀlep rim tơdrong khŭl ayăt vă pơm tơdrong. Rim hơnĭh jang iung vang jang hơmet pơ ‘lơ̆ng keh đang dôm tơdrong đei ƀô̆h ư̆h kơ ‘lơ̆ng; iung jang hơdoi hăm rim hơnŏh jang hơnĭh ‘ngoăih khŭl ƀô̆ đô̆i vă băt hơdăh rim tơdrong, vei lăng năng tông sơđơ̆ng dơ̆ng kơ jăp ăn ‘măng pôk rơ̆ih. Atŭm hăm jang kiơ̆ kơ tang rim trong jang tang găn jĭ Covid-19, Thượng tướng Phan Văn Giang athei rim hơnĭh jang kăl hơnơ̆ng jang ‘lơ̆ng pơrô̆ pơrôp, tơgŭm djru kang ƀô̆, ƀô̆ đô̆i lơ̆m hơnĭh jang vang jang kiơ̆ ‘lơ̆ng tơdrong pơm tơm kơ dĭh, hơnăp jang kơ kon pơlei vang năm tăh hla.

Tơblơ̆ nơ̆r: Amazưt