CHAM.VOV.VN: Yaom lac daok oh takik kan kandah kayua bruk ngak bahrau, min tapi hadei di jaik sa thun patui ngak, gam haong bruk mek tangin tame di taong abih mejam politik chinh tri, dalam nan mboh di nyu hu lac bruk kham merat di urang jakar xa, phuong, majam karja meng ban raya tal gah ala di ban Ndong Nai akaok mereip tame bruk grap tanat, jaik taphia bhap bani, panduan salih khang kajap.

CHAM.VOV.VN: Dalam jalan panduan salih taka biak khang di TP.HCM, bruk ngak muyim online ndom ka rai diuk saong bruk ngak di Akaok Ho Chi Minh daok hu jeng sa bruk ngak bahrau – hadah krah, jaik taphia jang haong bhap bani, abih di nyu nan lac rai rah dam dara ranaih.

CHAM.VOV.VN: Tukvak blaoh tapa, langiu di bruk ngak njauk tui dom adat hukum brei ka urang nao tasik, dom po gilai, urang peih gilai di Lam Ndong daok panduan salih angka taka dalam bruk mek harei bilan taong mek kaya ikan tasik, harei bilan pablei salih meng taka... Tapa di nan, ngak brei duah thau hu ka halaw gha kaya ikan taong mek, duh ka bruk pacang cakak taong mek IUU.

CHAM.VOV.VN: Urak ini mboh ralo danak dak ha tang yau ye catua, jalan nao mai dalam ia, jalan kakai di bhum Dong Thap Muoi tinh Dong Thap klak lavik, daok trun yaom khut khat trak, oh duh trun bruk nao mai angak jalan di rahra bhap bini. Ralo dalam nan mboh di dom bhum palei hu labik ngak kong yau nan ye bruk cuang kandah ini mada gam pambuak tal bruk buh jien tame, patagok bruk ngak mbang blei salih patagok kinh te - xa hoi.

CHAM.VOV.VN: Dom thun tapa blaoh, gam haong bruk pato magru ilamu, sangka iek glang rai diuk ka anek saih, Sang bac bangsa gam bac gam daok di Bac Binh, tinh Lam Ndong daok peih ngak rilo bruk piah daong ka anek saih pak di ini khik ramik saong cak rok patagok ilamu meng kan di bangsa drei, rik daong jhul pakhang bruk dak padang “sang bac siam gheih, anek saih tari tareng”

CHAM.VOV.VN: Gam gam saong urang Ma, jih dalah hu rak rok meng rai diuk pambuak pagam haong langik tasik, glai ram ceik glaong. Nan daok ieu lac sa masa vaktu ba ngak biak ralo prein yawa, caong khin urang kamei njauk hu palak tangin salut mbut, thau cambaih laih ilamu menyim saong thau palih ruah pandap ngak piah ngak tabiak blah jih dalah ndung bak asal ilamu mbak tariak di bangsa. Harei ini, dalam kreh rai diuk bahrau, bruk menyim jih dalah di urang bangsa Ma daok di tinh Lam Ndong jeng gandi gandang peih ngak yau talei marai pambuak pagam dak rai sajarah saong rai diuk bahrrau harei ini

CHAM.VOV.VN: Di bhum taneh anh hùng bijak Bom Bo banraya Đồng Nai, dom drap ar ilamu bangsa jeng daok prai parang brei pamadeih manuac urang, padang jeng prein khang bara undam gam saong jalan patagok jirah karo kajap di bhap bini rahra.

CHAM.VOV.VN - Ieu lac bruk njauk ngak di dalam bruk pacang caga jru aphil, kapul ngak bruk jabat karja xa An Cư, tinh An Giang daok peih ngak rilo bruk ngak lagaih, hadah krah dalam bruk pathau khan, daong salah blaoh jalan kuhria padang “xa oh hu jru aphil”

CHAM.VOV.VN: Yaom lac bahrau pandar saong darak online labaih 2-3 thun, urang ngak nong saong hop tac xa di Gia Lai hu samar drah duah mboh jalan pablei tabiak kaya nong, kaya hu angan ye di bhum palei. Salih lek taka so brei mboh, tuk bruk atah di taneh riya oh daok kan kandah, kaya ndap nda di bhum palei hu kein lagaih uak drei nao atah jang, nao samar jang.

CHAM.VOV.VN: Ngan haong hatai kham merat glaong di sa majam chinh tri dalam bruk peih ngak dom danak dak, sarak piah paglaong raidiuk di rahra, tal tukvak ini, ban Can Tho brei trun manieng sang urang kathaot daok jaik 0,6%, abih di nyu nan lac dalam bhum urang bangsa takik.