Tui yaok pataom bahrau abih di Sở Pato Megru TPHCM, bilan pilih ruah anek saih tame tal bac 10 thun ini, labaih 16.000 anek saih tal bac 9 oh tut angan pakacah bo hu dom jalan nao saong pilih ruah karei yau nao bac di negar lingiu, tui bac di dom sang bac dân lập…dalam nan, bac bruk ngak di dom sang bac bruk ngak brei ka anek saih bac tamat THCS jeng lac sa pilih ruah samu haong prein bo dom anek saih ini caik hatai sangka. Kadha vak di Vũ Hường, urang vak di rayo sap ndom VN daok di TPHCM hu ndom tal bruk ini.

CHAM.VOV.VN: Jirah rivang tapen tasik gah Pur Ban raya Ho Chi Minh, dui atah meng phuong Vung Tau (Ban Vung Tau klak) tal Long Hải, Phước Hải, Hồ Tràm (daok dalam dom huyen Long Điền, Đất Đỏ, Xuyên Mộc, tinh Ba Ria – Vung Tau dahlau diah) daok hu rilo kein lagaih. Dalam labik bahrau, gam haong majam jalan mabak sang danaok ha tang pambuak dak harei dak samu gauk, dom labik ini hu caong takre brei salih drei khang kajap, patagok rilo abih kein lagaih hu dahlau piah patagok jirah rivang.

CHAM.VOV.VN: Bhum taneran kraong Cuu Long daok peih tabiak Danak dak 1 trieu ha padai asar siam, tathuak nerak biar saong ngak bruk njauk tui sanya Net Zero di thun 2050. Bruk pasang iek pong hu brei mboh lac sa di dalam dom gang hu makna di bruk salih hacih hijao dalam gah padai brah, pamaong tal jalan patakik tathuak nerak saong paglaong yaom kaom majam gah ndap nda kaya dalam tukvak meng anak mai tal. Kadha vak di urang ngak Bruk di Rayo Sap ndom Viet Nam.

CHAM.VOV.VN - Hadei di pagam pambuak, tinh Dong Nai hu 37 bangsa takik. Piah dong ka mikva uak drei tagok, tinh peih ralo sarak karja kuhria ka urang bangsa takik, daong jalan brei mikva urang bangsa takik ngak mbang patagok kinh te jeng ye karo dalam bruk daok dang. Kadha di urang VOV

CHAM.VOV.VN: Dom thun blaoh tapa, gam saong bruk khik kajap karo taneh ia di tapen nagar, Bol lin di Bien phong tinh Gia Lai pagam saong dom gah karja daong bhap bini rahra patagok bruk ngak mbang, truh kathaot karo kajap. Dalam nan hadah di nyu hu bruk " Yaok sa adit daong hu sa baoh sang kathaot di bhum tapen nagar ". Kadha di harak Bangsa song patagok.

CHAM.VOV.VN- Dalam raidiuk di pabah jalan tapen negar Mỹ Quý Tây, tinh Tay Ninh, Dai uy Đoàn Nguyên Khang – Akaok Balai Bien phong – pacang khik, cakak yaok bruk pablei dauk, jru aphil, phao karaong. Hatai thau bruk, naih gheih dalam bruk ngak gam haong bruk pambuak khang haong dom kapul hu daong sa-ai saong ayut cuai sahabat khik salamat bhum tapen negar. Kadha di urang ngak bruk di Rayo Sap ndom Viet Nam.

CHAM.VOV.VN - Di rilo bhum palei, bhum ceik glaong, bhum mikva urang bangsa takik daok di tinh Khanh Hoa, bruk brei mesraiy jien tui sarak karja jeng hu ngak saong daok jeng “mbaik gal vah” daong brei ka rilo baoh sang kathaot, jaik kathaot hu kein lagaih salih raidiuk. Phun jien daok daong piah ka rahra buh jien tame ngak mbang suai atah, parilo jien mek tame. Kadha di Urang pambuak bruk rayo angan Minh Triều hu ngak di Maraong Khanh Hoa, labik hu rilo urang ngak nong pandar siam lagaih phun jien piah uak drei tagok patruh kathaot karo kajap

CHAM.VOV.VN: Dom thun tapa, dom inem krung ilamo urang bangsa Cam hu rik daong oh takik ka bruk pachreih tuai damuai rivang jirah mai haong tinh Lam Ndong. Rilo resort, labik jirah rivang iek hu pataom mek inem krung ilamo Cam ngak jeng janih kadha jirah rivang sirah biak karei ngak jeng kadha piah katung dui takai tuai damuai dalam saong langiu negar. Kadha di Ja Si, daok di Rayo sap ndom VN ndom tal asal kadha ini.

CHAM.VOV.VN: Danak dak Khik ramik, patagok yaom ilamo meng kan siam gheih di dom bangsa takik (DTTS) pambuak pagam saong cak rok patagok bruk rivang jirah ma-in daok ngak brei khik ramik, pambak prong asal ilamo. Langiu di nan, pambuak pagam nao mai di bruk khik ramik haong cak rok patagok rivang sirah ma-in saong kinh te – rah ra, ba mai bruk ngak mbang saong paralo jien mek tame ka bhap bani puk palei. Kadha di Hồng Thắm angaok harak mbao Lâm Đồng Online hu brei thau.

CHAM.VOV.VN: Truh tapa asal kadha di dom adat, dom urang kamei taong caing urang bangsa Ba Na di xa Tơ Tung, tinh Gia Lai hu ngak saong daok daong khik ramik ragam caing hu yava sap tagok kreh dalam tukvak raidiuk. Da-a mikva saong taong abih gauk pang kadha hu ba tagok harak ndien tu Vietnamnet.