Tui yaok pataom bahrau abih di Sở Pato Megru TPHCM, bilan pilih ruah anek saih tame tal bac 10 thun ini, labaih 16.000 anek saih tal bac 9 oh tut angan pakacah bo hu dom jalan nao saong pilih ruah karei yau nao bac di negar lingiu, tui bac di dom sang bac dân lập…dalam nan, bac bruk ngak di dom sang bac bruk ngak brei ka anek saih bac tamat THCS jeng lac sa pilih ruah samu haong prein bo dom anek saih ini caik hatai sangka. Kadha vak di Vũ Hường, urang vak di rayo sap ndom VN daok di TPHCM hu ndom tal bruk ini.

CHAM VOV: Hadei pagam jeng sa, Lam Dong pataom ginup dom kein lagaih patagok. Lam Dong caong khin bhum bangsa takik saong bhum ceik jeng sa dalam dom bruk daong prein cakrok patagok hu makna, daong ba tinh patagok samar saong karo kajap dalam tukvak anak tal.

CHAM VOV: Harei Katê thun 2026 bahrau tamat blaoh, min dom kadha chreih chai di harei roya jeng daok kandon miat, dom adat cambat tanarakun patui veik hu pato tacei ka dom rai rah. Tapa nan, dom yaom ilamo hu khik ramik, ngak brei ka rai rah dam dara thau cambaih laih jang ka halaw gha.

CHAM VOV: Daok atah di gauk, kurang menuac urang ngak bruk jeng ye tukik ndap nda kaya ngui, jeng lac dom kan kandah dalam bruk pandar jitvu y te bhum atah bayah di Taneran kraong Cuu Long. Meng bruk lagaih nan, dom bhum palei daok dak harei dak pasiam y te di labik, ba pasang iek halang, pasang iek ruak oh njom mbak, sangka prein yava urang praong thun umo saong caga ruak nao tal jaik rahra jang.

CHAM VOV: Gam haong rilo jalan brei langyah taoh lang ka samu gauk, tinh An Giang mek hu dom bruk kuhria hu siam lagaih dalam patagok kinh te – xa hoi bhum bangsa Khmer, dak harei dak paglaong raidiuk rahra, pasiam majam chinh tri tri saong khik ramik ilamo bangsa.

CHAM VOV: Meng phun njam hang theik ndong di ia kraong, tapa tangin gheih mekre, bruk tari taring di dom urang dalam kapul pak njam hang palei Thới Hiệp, xa Cờ Đỏ, Ban raya Can Tho hu ngak jeng dom kaya ngak meng tangin biak gheih siam, hu urang blei pandar dalam negar saong dunya. Bruk pak njam hang daok peih tabiak jalan ngak mbang ka urang kamei palei pala di Can Tho, gam sangka iek glang bruk dalam sang, gam hu jien mek tame tani tanat.

CHAM VOV: Peih ngak danak dak cak rok patagok pato magru bruk ngak saong ba bruk ngak ka bhum mikva urang bangsa takik di Danak dak bruk ngak negar angan 1719, dom mayai tal bac pato bruk ngak di Đắk Lắk daok hu peih ngak tui hatai caong urak ini di urang bac saong lagaih haong panuac ieu kakei di darak pasar. Tapa di nan, daong ka urang bac magru hu kein piah duah hu bruk ngak atau ba bruk ngak drah di palei.

CHAM VOV: Dom tal pato kong caing di Dak Lak oh tok daong pamedeih hatai anit ranam ilamo bhap bini dalam rai rah dam dara sit umo blaoh daok lac bruk bhum palei ngak cambaih Sarak Nghi quyet 80 di Trung uong. Tuk sarak nao tame yaok mbon palei, drap ar oh tok hu khik ramik bo patui veik hu pato caik veik dalam raidiuk bhap bini.

CHAM VOV: Dong Nai, bhum taneh pataom 37 bangsa diuk rai daok dak harei dak kham merat daong khik dom yaom kaom ilamo, drap ar di labik bhum dang anak mbuan kurang lahik; dak harei ngak ka drap ar jeng bruk duah jien karo kajap ka mikva. Nan jeng lac bruk ngak hu makna di bhum palei piah ngak siam lagaih tui sarak Nghi quyet ka 80 di Mentri Chinh tri ka bruk patagok ilamo Viet Nam dalam jaman bahrau.

CHAM VOV: Di Gia Lai, ngak tabiak kophi karo kajap daok mai meng dom salih dalam yaok bein phun, gam haong bruk hu mbaok di urang ngak nong, HTX saong gah ngak mbang pablei salih. Meng bruk ngak siam makre siam mekre haong alam langik, peih bhum pala kaya tamo tal pandat taka so ngak cambaih halau agha, dom gah daok dak harei dak ngak jeng majam pambuak ngak tabiak hu thau ka bruk di drei. Ini oh lac bruk palaong asar siam, yaom kaom asar kophi blaoh doak ngak jeng kein lagaih piah rahra mbon palei khik tani tanat bruk ngak mbang suai atah.