Anei amâo djŏ jing phŭn mkăp êa yuôm bhăn kơ hdră duh mkra pla mjing ƀiădah lŏ mâo bruă klam hlăm lei mkăp êa, bi hrŏ klei hmăi mơ̆ng yan adiê ngă hŏng lu krĭng mnuih ƀuôn sang dôk. Khă snăn, hlăk yan adiê dôk mâo dleh dưi ksiêm dlăng ară anei, lu ênao mgơ̆ng êa dưi mkŏ mkra mơ̆ng dŭm pluh thŭn êlâo jhat rai, dôk čiăng mkra mđĭ mjêč kñăm rơ̆ng klei êđăp ênang hlăm yan hjan angĭn êbŭ ti anăp.

Êlâo hĭn, dŭm alŭ wăl, êpul êya brei msir mghaih jih klei jhat rai đ’điêt, gĭr lŏ mkra mđĭ. Hlăm wưng sui, čar Gia Lai čih mkra leh hdră kčah mđĭ kyar mbông mnuôr êa lehanăn êa doh krĭng ƀuôn sang wưng thŭn 2026 – 2030, tă hdră truh thŭn 2035. Hlăm anăn, alŭ wăl ba mdah hŏng gưl dlông đru prăk duh hluê ngă dŭm bruă phŭn kñăm mkra mđĭ dŭm hdră mbông mnuôr êa jhat rai ti alŭ wăl./.