Truh ară anei, kluôm čar Lâm Đồng mâo leh êbeh 109.000 ha mkra mjing lŏ hma ba yua kdrăp mrâo; êbeh 1.200 ha mkra mjing lŏ hma thâo mĭn ba yua kdrăp mrô leh anăn hdră msir kriê dlăng mrâo mrang. Čar ăt mkŏ mjing leh 16 krĭng mkra mjing lŏ hma yua kdrăp mrâo leh anăn 7 anôk bruă duh mkra mâo tŭ yap jing anôk bruă duh mkra yua kdrăp mrâo mrang.

Ară anei čar dôk bi lar gru hmô mkra mjing lŏ hma thâo mĭn yua kdrăp mrâo, ksiêm dlăng wăl hdĭp mda, hdră ba yua hlăm klei pla mjing djam tam, mnga leh anăn ana boh kroh; dŭm gru hmô mkra mjing doh hŏng ana kphê, čê, ana boh kroh, ana êa drao, mbĭt anăn pŏk mlar dŭm gru hmô lŏ hma hlăm klei pla mjing, rông mnơ̆ng leh anăn mkra mjing lŏ hma, djŏ guôp hŏng klei găl mđĭ kyar lŏ hma mtah leh anăn ngă djŏ klei čuăn ƀrư̆ lu hlăm anôk ba čhĭ ti ala tač êngao./.