Mta kñăm hlŏng truh kơ thŭn 2050 mđĭ bruă hiu čhưn ênguê Daklak jing sa anăn knăl mâo klei ktang, jing anôk phŭn kơ bruă hiu čhưn ênguê lăn mnga êa siam, anôk mdei msăn, anôk hiu čuă dlăng kơ dhar kreh, lehanăn hiu čhưn ênguê wăl êa ksĭ jăk siam.

Phgung bi ala mâo leh lu klei blŭ klă mngač čiăng kơ bruă hiu čhưn ênguê lăn mnga êa mơak jing nao hlăm klei sĭt leh mâo klei bi mŭt mbĭt, ngă bi jăk bruă mkŏ krĭng Ngŏ Yŭ, kruak bi mngač dŭm mta mnơ̆ng kơ bruă hiu čhưn ênguê, lehanăn anăn knăl kơ bruă hiu čhưn ênguê hlăm čar. Klah čŭn klei bi kƀĭn, Đào Mỹ, K’iăng khua knơ̆ng bruă sang čư̆ êa čar Daklak mtă kơ dŭm êpul êya bruă lŏ mâo lu hĭn klei blŭ kñăm bi leh hdră êlan mă bruă, mđĭ k’hưm, anăn knăl bruă hiu čhưn ênguê Daklak hlăm krĭng lehanăn hŏng kluôm ala, mkŏ mjing dŭm mta mnơ̆ng kơ bruă hiu čhưn ênguê mguôp krĭng čư̆ dliê lehanăn êa ksĭ tui hlue hdră “Sa  hdră êlan – dua wăl mâo”, mkŏ alŭ wăl hiu čhưn ênguê “Ngŏ – Yŭ”./.