Jing pŏk kơ klei mkŏ mjing dhar kreh, mjuăt asei mlei, lehanjăn hiu čhưn ênguê hlăm alŭ wăl mơ̆ng thŭn bruă hiu čhưn ênguê lăn čar - Gia Lai 2026,mâo leh dŭm êbâo čô mnuih ƀuôn sang lehanăn phung tue nao čhưn. Knăm anei mkŏ mjing hŏng klei ƀhĭ klĭ, hŏng lu knhuah gru dhar kreh lehanăn mâo akŏ jing:  “Gia Lai – Yan mdei prŏng jak iêo”, atăt lu mnuih mŭt hlăm klei ksiêm duah kơ klei jăk siam lăn mnga êa mơak, kơ dhar kreh lehanăn anak mnuih krĭng lăn Gia Lai.

Hlăm knăm hiu čhưn ênguê yan mdei prŏng 2026 lŏ mâo ngă lu bruă dhar kreh mkăn msĕ si klei kdŏ muiñ ti hang ksĭ Xuân Diệu, mbĭt hŏng bruă mdah mnơ̆ng ƀơ̆ng huă 3 kwar hŏng êbeh 60 mnơ̆ng lehanăn mâo wăt bruă dhar kreh čing čhar knhal jih hrue kăm ti Pleiku lehanăn dŭm bruă mjuăt asei mlei msĕ si mnah hna, trŭt hlâo, bi lông đĭ kwưng./.