VOV4.Êđê- Hlăm dŭm hruê akŏ yan mnga Ất Tỵ anei, dŭm anôk hiu čhưn ênguê dhar kreh êpul êya ti Dak Lak jing leh anôk jăk êdi čiăng kơ mnuih ƀuôn sang lehanăn phung tuê hiu čhưn ênguê nao dlăng, tui ksiêm kơ knhuah jăk siam đưm mơ̆ng dŭm djuê ana Lăn dap kngư. Dŭm anôk hiu čhưn msĕ si Ƀuôn Đon, Ƀuôn Akŏ Dhông (ƀuôn prŏng Ƀuôn Ama Thuôt), Wăl hiu čhưn dhar kreh êpul êya Kŏ Tam amâo dah ƀuôn Tring (kdriêk Lăk) amâo djŏ knŏng bi êdah wĭt klei hdĭp aguah tlam mlam hruê ƀiădah lŏ mkŏ mjing lu hdră hiu čhưn ênguê jiă knhuah djuê ana.

VOV4.Êđê- Grăp yan mnga truh, dliê Nà Hẩu bŏ hŏng ai hdĭp, ăt jing hlăk wưng mnuih Mông ti să Nà Hẩu, kdriêk Văn Yên, čar Yên Bái mkŏ mjing Knăm ngă yang dliê amâodah lŏ pia jing “Tết dliê Nà Hẩu”. Knăm anei mkŏ mjing čiăng bi hdơr kơ phŭn agha, bi mni kơ yang dliê, kñăm răng kriê klei dhar kreh jăk siam djuê ƀiă tinei.

VOV4.Êđê- Aguah hrue 6/2 (jing hrue 9 tết Ất Tỵ), ti alŭ wăl knhuah gru Hoàng Thành Thăng Long - Hà Nội, Anôk kriê pioh knhuah gru Thăng Long - Hà Nội bi mguôp hŏng êpul hgŭm knhuah gru dhar kreh Thăng Long - Hà Nội mkŏ mjing klei čuh brui mngưi bi hdơr kơ phung aê aduôn atâo atiêt, phung mkŏ mjing leh lăn čar mphŭn dô.

VOV4.Êđê- Aguah mbrue 6/2, čar Daklak mkŏ mjing leh klei bi tuôm akŏ yan mnga hŏng phung thâo lu, phung kreh knhâo lehanăn bruă klei mrâo hlăk dôk mă bruă hlăm čar, čih pioh dŭm klei đru mguôp kơ klei mlih mrâo mđĭ kyar hlăm čar.

VOV4.Êđê- Đà Lạt - Lâm Đồng mâo klei găl kơ bruă mđĭ kyar hdră lŏ hma ba yua kdrăp mrâo, hlăm anăn mâo mnga Đà Lạt jing leh anăn knăl hing êdi. Khă snăn, ti anăp klei ñŭ kma lehanăn bruă mnia mblei hŏng tar rŏng lăn đĭ lu, bruă pla mnga ti alŭ wăl anei dôk tlă anăp hŏng klei bi ktưn ktang phĭt, ênoh čhĭ amâo hơĭt, anôk hrui blei amâo kjăp lehanăn ai bi ktưn hlăm wăl anôk mnia mblei ƀrư̆ hruê ƀrư̆ hrŏ wăt hlăm ala čar. Čiăng kơ bruă pla mnga jing sa anôk bruă hơĭt kjăp, dưi bi ktưn hŏng wăl anôk mnia mblei tar rŏng lăn, čar Lâm Đồng dôk čih mkra hdră kčah lŏ mkŏ dăp anôk bruă pla mnga lehanăn “Pŏk kliăng” ba yua kdrăp mrâo hŏng anôk bruă anei, gĭr ba čhĭ mnga kơ ala tač êngao mâo 50%, bi hrô hŏng hnơ̆ng 11% msĕ ară anei.

VOV4.Êđê- Hruê mbruê 5/2, jing hruê 8 hruê mlan ƀlĕ, êpul êya mnuih Mường ti să Hòa Thắng, ƀuôn prŏng Ƀuôn Ama Thuôt, čar Dak Lak bi kƀĭn ti đình Lạc Sơn, să Hoà Thắng čiăng ngă knăm mdlưh gơ̆ng ngă yang.

VOV4.Êđê- Grăp wưng thŭn mrâo, mnuih ƀuôn sang Sêdang ti ƀuôn Kon H’ring, să Ea H’Đĭng, kdriêk Čư̆ Mgar, čar Dak Lak lŏ mkŏ mjing klei ngă yang mdiê mrâo. Anei amâo djŏ knŏng wưng kơ êpul êya lač jăk kơ yang brei leh mâo lu boh mnga, ƀiădah lŏ jing klei găl čiăng bi mguôp hŏn dŭm mmông huă mnăm, jiă kma mnâo mnañ djuê ana hlăm thŭn mrâo.

VOV4.Êđê- Dŭm hruê knhal jih thŭn 2024 mrâo êgao, dŭm ƀuôn êlan ti kdriêk čư̆ čhiăng A Lưới, čar Thừa Thiên Huế mnuih ƀuôn sang dŭm djuê ana Pa Cô, Tà Ôi mkŏ mjing knăm mơak Azza jing hruê tết knhuah gru, mâo boh tŭ yuôm bhăn hlăm klei hdĭp ai tiê mơ̆ng mnuih ƀuôn sang ti kdriêk čư̆ čhiăng A Lưới.

VOV4.Êđê- Hŏng ai tiê drông thŭn Ất Tụỵ mbĭt hŏng lu klei mbruă, êpul kač rup G39 ma truh 80 pŏk rup kač hŏng akŏ “Tết Tỵ 2025” ti sang rang mdah rup kač Việt Nam. Hmăng hmưi bi mlih klei dlăng mơ̆ng mnuih ƀuôn sang kơ rup ala, phung kač rup yua leh lu mta mnơ̆ng mdê mdê čiăng bi êdah kñăm bi êdah rup ala ênang, jĕ giăm, bi knăl kơ klei myun mdan hlăm thŭn mrâo

VOV4.Êđê- Phung êdam êra hgŭm răng mgang, mđĭ lar knhuah dhar kreh jăk siam djuê ana Việt Nam wưng 2024 - 2029” jing sa hlăm dua hdră bruă mơ̆ng Êpul hgŭm êdam êra Việt Nam kčah hlăm wưng tal IX.