VOV4.Êđê- Dŭm êtuh mta hră klei mrâo mâo čih ba mdah ti anôk knăm hră klei mrâo yan mnga Daklak pŏk aguah mbrue (21/1) jing djŏ hŏng mta kñăm kpưn đĭ mơ̆ng djuê ana.

VOV4.Êđê - Hlăm klei hdĭp aguah tlam mlam hruê, mnuih Bahnar hdơr nanao kơ klei blŭ “Brei mpŭ kơ amĭ ama msĕ si mlan, mpŭ kơ aduôn aê msĕ yang hruê”, klei anei brei ƀuh aduôn aê bi myuôm eei klei bhiăn hdơr knga. Grăp čô mnuih Bahnar leh đĭ kơ prŏng, mkŏ gŏ êsei mrâo mđing nanao kơ knăm hdơr knga amĭ ama. Anei jing wưng bi êdah klei mpŭ kơ amĭ ama, čiăng lač jăk kơ klei amĭ ama pŭ ƀă, rông ba lehanăn čang hmăng Yang srăng tuh brei klei suaih pral kơ amĭ ama.

VOV4.Êđê - Kan bi msăm jing mnơ̆ng ƀơ̆ng knhuah gru mơ̆ng mnuih Jeh Triêng ti Lăn Dap Kngư. Hŏng mnuih Jeh Triêng ti kƀiêng čar Quảng Nam, kan bi msăm jing mta mnơ̆ng ƀơ̆ng phŭn, amâodưi kƀah ôh hlăm knăm mơak. Kan bi msăm mơ̆ng mnuih Jeh Triêng jing leh mnâo mnañ mdê, jiă kma knhuah gru dhar kreh djuê ana.

VOV4.Êđê- Adôk djă pioh lu klei dhar kreh jăk mơ̆ng mnuih Thái, bi mguôp hŏng klei jăk siam čư̆ dliê êa, ƀuôn Khá, să Sập Vạt, kdriêk Yên Châu (Sơn La) ngă leh leh anăn dôk bi liê mđĭ kyar gru hmô hiu čhưn ênguê êpul êya bi hmô mguôp hŏng mkŏ mjing krĭng ƀuôn sang mrâo. Anei jing sa hlăm dŭm anôk truh mâo lu tuê hriê čhưn hlăm êlan ksiêm dlăng Sơn La – Yŭ Dưr.

VOV4.Êđê- Aguah mbrue (16/1), Knơ̆ng bruă dhar kreh mjuăt asei mlei, lehanăn hiu čhưn ênguê Daklak mkŏ mjing leh knăm ba jao čing čhar, kdrăp čŭt hơô, kdrăp pĕ tông kơ dŭm êpul kdŏ muiñ mnuih djuê ƀiă hlăm čar.

VOV4.Êđê- Tlam 14/1, kdriêk Tu Mơ Rông, čar Kon Tum klă klơ̆ng hưn mthâo leh ƀuôn hiu čhưn ênguê êpul êya Tu Thó, să Tê Xăng. Anei jing ƀuôn mkŏ anôk dôk mrâo mơ̆ng mnuih Sedang lehanăn jing ƀuôn hiu čhưn ênguê êpul êya tal êlâo ti krĭng pla sâm Ngọc Linh Kon Tum.

VOV4.Êđê - Hlăm thŭn 2024, čar Dak Lak hưn mdah leh lu anôk hiu čhưn ênguê êpul êya ti ƀuôn prŏng Ƀuôn Ama Thuôt leh anăn dŭm kdriêk, mđĭ ênoh ƀuôn hiu čhưn ênguê êpul êya dưi yap jing 5 boh ƀuôn. Ti grăp boh ƀuôn, bruă sang čư̆ êa leh anăn mnuih ƀuôn sang dôk gĭr mkŏ mjing mnơ̆ng dhơ̆ng jiă kma knhuah mdê hjăn, mjing klei yuôm bhăn hlăm hla kak hiu čhưn ênguê ti čar.

VOV4.Êđê- Hlăm Knăm lui msat mơ̆ng mnuih Jarai ti Lăn Dap Kngư, mâo sa hdră lu mnuih ƀuôn sang čang guôn jing Ksơ̆k lŭ. Mnuih Jarai pia ksơ̆k lŭ jing Bram. Anei jing hdră truă rup, mnuih hdĭp jing ksơ̆k hŏng klei măl lŭ hlăm asei mlei.

VOV4.Êđê- Wăl kriê pioh kđông Rossi ti wăl krah Ƀuôn Hồ jing anôk yuôm bhăn hlăm bruă mtô bi hriăm knhuah gru cách mạng mơ̆ng čar Dak Lak. Ară anei, bruă sang čư̆ êa alŭ wăl dôk duah hdră êlan kriê pioh, bi lar dŭm boh tŭ wăl kriê pioh čiăng mđĭ kyar bruă hiu čhưn ênguê.

VOV4.Êđê- Hŏng djuê ana Sêdang ti Lăn Dap Kngư, klei phung tue khăp dlăng jing sang roong prŏng, dlông, ti wăl krah grăp boh ƀuôn sang. Amâo djŏ knŏng jăk siam hlăm bruă mkra mjing ôh, sang Roong lŏ jing anôk yuôm bhăn ƀuôn sang Sêdang.