VOV4.Êđê- Grăp wưng thŭn mrâo, mnuih ƀuôn sang Sêdang ti ƀuôn Kon H’ring, să Ea H’Đĭng, kdriêk Čư̆ Mgar, čar Dak Lak lŏ mkŏ mjing klei ngă yang mdiê mrâo. Anei amâo djŏ knŏng wưng kơ êpul êya lač jăk kơ yang brei leh mâo lu boh mnga, ƀiădah lŏ jing klei găl čiăng bi mguôp hŏn dŭm mmông huă mnăm, jiă kma mnâo mnañ djuê ana hlăm thŭn mrâo.

VOV4.Êđê- Dŭm hruê knhal jih thŭn 2024 mrâo êgao, dŭm ƀuôn êlan ti kdriêk čư̆ čhiăng A Lưới, čar Thừa Thiên Huế mnuih ƀuôn sang dŭm djuê ana Pa Cô, Tà Ôi mkŏ mjing knăm mơak Azza jing hruê tết knhuah gru, mâo boh tŭ yuôm bhăn hlăm klei hdĭp ai tiê mơ̆ng mnuih ƀuôn sang ti kdriêk čư̆ čhiăng A Lưới.

VOV4.Êđê- Hŏng ai tiê drông thŭn Ất Tụỵ mbĭt hŏng lu klei mbruă, êpul kač rup G39 ma truh 80 pŏk rup kač hŏng akŏ “Tết Tỵ 2025” ti sang rang mdah rup kač Việt Nam. Hmăng hmưi bi mlih klei dlăng mơ̆ng mnuih ƀuôn sang kơ rup ala, phung kač rup yua leh lu mta mnơ̆ng mdê mdê čiăng bi êdah kñăm bi êdah rup ala ênang, jĕ giăm, bi knăl kơ klei myun mdan hlăm thŭn mrâo

VOV4.Êđê- Phung êdam êra hgŭm răng mgang, mđĭ lar knhuah dhar kreh jăk siam djuê ana Việt Nam wưng 2024 - 2029” jing sa hlăm dua hdră bruă mơ̆ng Êpul hgŭm êdam êra Việt Nam kčah hlăm wưng tal IX.

VOV4.Êđê- Dôk ti krah čư̆ dliê mơ̆ng kdriêk Kbang (Gia Lai), ƀuôn Mơhra-Đáp. Să Kông Lơng Khơng dôk ƀrư̆ ƀrư̆ bi klă jing anôk hiu čhưn ênguê jăk êdi. Mbĭt hŏng bruă mkŏ mjing dŭm knăm mơak, mtrŭt mjhar mnuih ƀuôn sang kriê pioh knhuah gru dhar kreh djuê ana, ƀuôn Mơhra-Đáp jing leh anôk hiu čhưn ênguê hing ang, iêo jak lu phung tuê.

VOV4.Êđê- Dŭm hruê mơak yan mnga drông tết, grăp čô bi čŭt hơô kdrăp siam hĭn. Hlăm anăn, mnuih K’Ho ti kdriêk Di Linh, čar Lâm Đồng năng ktưn hưn êdi kyua đru mguôp êa mil yan mnga hŏng dŭm mta mnơ̆ng pơ̆k mñam. Hŏng mnuih K’Ho, mnơ̆ng pơ̆k mñam amâo djŏ knŏng kdrăp čŭt hơô ƀiădah lŏ jing knhuah gru djuê ana, leh anăn hlăm anăn mâo wăt klei đăo knang hlăm bruă yua mnơ̆ng pơ̆k mñam mơ̆ng mrâo kkiêng, đĭ hruê kơ prŏng truh kơ mmông wĭt hŏng ƀruih lăn. Anei jing knhuah siam mơ̆ng mnuih K’Ho čiăng dưi kriê pioh leh anăn bi lar hlăm bruă mkŏ mkra krĭng ƀuôn sang mrâo

VOV4.Êđê - Knhal jih thŭn 2024, Kdrăn ƀăng kơưp čư̆ pui Dak Nông mâo UNESCO lŏ bi mklă jing kdrăn ƀăng kơưp čư̆ pui dlông rŏng lăn tal 2. Bruă lŏ bi mklă anăn knăl yuôm bhăn anei jing klei yuôm bhăn, amâo djŏ knŏng đru kơ Dak Nông mđĭ hdră mđĭ kyar hlue si gru hmô hơĭt kjăp ôh ƀiădah lŏ đru mguôp jăk hlăm bruă hlue ngă hdră kñăm mđĭ kyar hơĭt kjăp mơ̆ng Klei bi kƀĭn 2030 kyua Êpul hgŭm lu ala čar kčah.

VOV4.Êđê - Jing wăl krah mrâo ti čar Dak Lak, wăl krah Ƀuôn Hồ ară anei mâo êbeh 101.000 čô mnuih, 25 djuê ana hdĭp mda, hlăm anăn mnuih djuê ƀiă mâo 31%. Leh 16 thŭn mkŏ mjing leh anăn đĭ kyar, hŏng klei mđing bi liê mơ̆ng Đảng leh anăn Knŭk kna, wăl krah kƀĭn hlue ngă tŭ dưn hdră êlan djuê ana, mdidng mđĭ kyar bruă duh mkra ala ƀuôn krĭng mnuih djuê ƀiă hŏng klei êđăp ênang ala ƀuôn. Lu ênoh yuôm dhar kreh djuê ana mnuih djuê ƀiă dưi kriê pioh leh anăn mđĭ lar. Hlăm ai êwa drông sa yan mnga mrâo, alum kơ ƀĭng drei mđing hmư̆ klei blŭ hrăm hŏng Y Cing Mlô, K’iăng Khua Knơ̆ng bruă sang čư̆ êa wăl krah Ƀuôn Hồ, čar Dak Lak kơ klei gĭr leh anăn boh tŭ kriê dlăng, mđĭ lar knhuah dhar kreh djuê ana ti wăl krah.

VOV4.Êđê- Hlăk êjai anôk ba čhĭ mnơ̆ng Têt kdrăm kơah, ăt jing wưng mkra mjing kđeh čĭm êmô ƀhu sa tal mđiă Krông Pa, čar Gia Lai jiă kma mnâo Tết. Mơ̆ng djam jăk djuê ana mnuih Jrai, mnơ̆ng jăk anei kpưn leh êngao kơ krĭng Krông pa, jing mnơ̆ng ƀơ̆ng jăk Tết leh anăn mnơ̆ng Tết, mâo lu mnuih khăp.

VOV4.Êđê- Hlăm wưng tết Nguyên đán Ất Tỵ, mbĭt hŏng lu mta bruă dhar kreh, kdŏ mmuñ jăk mơak, čar Dak Lak srăng mnah phao briêng ti 5 bĭt anôk jing ƀuôn prŏng Ƀuôn Ama Thuôt leh anăn dŭm kdriêk Ea H’Leo, Krông Ƀŭk, Krông Ana, Ea Kar.