VOV4.Êđê- Bi ala kơ khua gĭt gai Đảng, knŭk kna, Khua lăn čar Tô Lâm ba mdah klei bi klă Mđup brei Mêdai Mtŭ Kñĭ – Mêđai yuôm bhăn hĭn mơ̆ng ala čar Yang ƀuôn ngă phŭn Việt Nam kơ Khua gĭt gai Đảng Nguyễn Phú Trọng. Truh kơ ară anei, leh giăm 40 thŭn ngă klei mlih mrâo ti gŭ klei gĭt gai mơ̆ng Đảng, knŭk kna, lăn čar drei dưi mâo lu boh tŭ dưn êdah êdi hlăm klei mđĭ kyar bruă duh mkra ala ƀuôn, mkŏ mjing, ƀuah mkra hlăm Đảng…lu klei blŭ mguôp mơ̆ng knuă druh, đảng viên mñă klei, klei jing klei pah mni năng êdi mâo Đảng, knŭk kna drei drei mđup brei kơ Khua gĭt gai Đảng Nguyễn Phú Trọng kyua dŭm klei đru mguôp prŏng prĭn hlăm lu mta bruă păn mơ̆ng ñu hlăm bruă cách mạng mơ̆ng Đảng, knŭk k

VOV4.Êđê- Alip, mnuih djuê ana Bahnar, ti ƀuôn Groi Wêt, să G’Lar, kdriêk Đak Đoa, čar Gia Lai jing sa čô mbruă êdah kdlưn êdi. Amâodjŏ knŏng thâo pĕ gông tông ayŭ dŭm kdrăp djuê ana msĕ si brô̆ Ting ning, T’rưng ƀiădah ñi lŏ thâo êdi hlăm klei tông čing čhar. Dŭm pluh thŭn êgao, Pô mbruă êdah kdlưn A Lip mkŏ mjing nanao hdră mtô bi hriăm tông čing kơ phung êdam êra ti alŭ wăl. Kyua anăn, ya boh kdrŭt brei kơ ñu ngă bruă anei?

VOV4.Êđê- Sa wưng, klei duah tlĕ čĭng čhar, duah mă rup krah sang msat, kdrăp pĕ tông djuê ana…ngă truh klei luč lu mta mnơ̆ng dhar kreh yuôm bhăn mơ̆ng dŭm djuê ana krĭng Lăn Dap Kngư. Bi kơ mta phŭn mkă kyua mlih hdră ngă bruă, yua dŭm kdrăp mrâo mrang kyuanăn dŭm mnơ̆ng yua aguah tlam, klei ngă bruă, klei mưng lua mnah mơ̆ng mnuih Êđê ăt ƀrư̆ ƀrư̆ luč ram, mâo đa đa amâo lŏ ƀuh ôh hlăm klei hdĭp grăp hruê. Ƀiădah hŏng hdră mtrŭn kơ bruă “Kriê pioh leh anăn bi lar knhuah gru dhar kreh djuê ana hlăm bruă mkŏ mjing leh anăn răng mgang lăn čar” mơ̆ng bruă đảng nah gŭ wăl krah Ƀuôn Hồ, čar Dak Lak, lu bruă ngă klă klơ̆ng dưi leh anăn dôk bi lar boh tŭ dưn.

VOV4.Êđê- Hnơ̆ng đĭ kyar krĭng ƀuôn prŏng mkŏ mjing pral hlăk ngă luič ram dŭm knhuah dhar kreh jăk siam mơ̆ng mnuih djuê ana Êđê ti wăl krah Ƀuôn Hô, čar Dak Lak. Dŭm boh sang prŏng, dlông tal gang jih sang dlông djuê ana, ênhiang mmuñ ênuk mrâo bŏ hŏng anôk čhĭ mnơ̆ng ƀơ̆ng, hlăp mbul bi msưh kdŭn jih ênai kwang mơ̆ng čing čhar; êa doh mơ̆ng sang maĭ wĭt truh ti grăp sang kyua anăn amâo đei lŏ ƀuh phung mniê êra gui bŭng nao djăt êa ti pin êa… Hlăm boh klei anei, mnuih Êđê ti ƀuôn hgŭm Đạt Hiếu, wăl krah Ƀuôn Hô, čar Dak Lak ăt krơ̆ng kjăp knhuah dhar kreh jăk siam mơ̆ng djuê ana pô.

VOV4.Êđê- Hrue mdih 1/7, čar Daknông mâo tŭ mă leh klei hưn mthâo klă klơ̆ng mơ̆ng êpul kreh knhâo ksiêm duah kơ boh lăn, lehanăn bi hrŏ klei amâo mâo jăk kơ boh lăn, mơ̆ng êpul hgŭm mjuăt bi hriăm, klei kreh knhâo lehanăn dhar kreh mơ̆ng Êpul hgŭm lu ala čar jing (UNESCO) kơ krĭng ƀăng k’ưp čư̆ pui Dak Nông dưi djăp leh ênoh čuăn anăn knăl “Kdrăn ƀăng k’ưp čư̆ pui kơ tar rŏng lăn UNESCO Dak Nông” kơ wưng mđĭ kyar mrâo thŭn 2024-2027.

Finland lehanăn China jing dua êpul mnah phao briêng kdlưn hĭn leh 4 mlam bi lông mơ̆ng 8 êpul lŏ dơ̆ng bi tiŏ êran čiăng mâo mă anăn yap jing pô kdlưn hĭn hlăm mlam bi lông knhal tuič jing 13/7.

VOV4.Êđê - Jing pô mâo đŏk mmuñ kraih, ktang, jiă knhuah krĭng čư̆ dliê, Pô mbruă êdah êdi Y-Joel Knul, ƀuôn sang ti Dak Lak ƀrư̆ hruê ƀrư̆ mâo lu mnuih thâo lehanăn khăp čiăng. Hŏng dŭm klei ba duh myơr amâo mâo mdei, anăn ñu lehanăn klei thâo, kơhưm mơ̆ng ñu dưi bi mklă nanao. Ayŏng dưi ruah lehanăn ba wĭt leh boh tŭ kdlưn hlăk ngă mgưt jing Dam San hlăm klei yăl dliê hlăp mgưt “Klei čang hmăng Dam San” – sa klei yăl dliê yuôm bhăn mơ̆ng Việt Nam, bi êdah klei čang hmăng lehanăn klei jăk siam mơ̆ng anak mnuih Êđê ti krĭng Lăn dap kngư.

VOV4.Êđê- Kriê pioh, mđĭ lar boh tŭ yuôm dhar kreh djuê ana mguôp hŏng hdră mđĭ kyar bruă hiu čhưn ênguê jing mta kñăm ƀuôn prŏng Ƀuôn Ama Thuôt kčah mtrŭn kñăm hluê ngă tŭ dưn hdră bruă djuê ana lehanăn hdră mtrŭn djuê ana hlăm 5 thŭn ti anăp.

VOV4.Êđê-Hŏng boh dlông êbeh 1000m mkă hŏng hnơ̆ng êa ksĭ, Anôk mđung asăp mơ̆ng Sang mđung asăp - mđung rup čar Gia Lai amâodah lŏ pia jing Anôk mđung asăp Hàm Rồng ti čŏng čư̆ Hàm Rồng (să Čư̆ Hdrông, ƀuôn prŏng Pleiku, čar Gia Lai) jing anôk dlông hĭn mơ̆ng ƀuôn prŏng Pleiku. Tinei knŏng mâo 4 čô mă bruă grăp hruê jih ai tiê rơ̆ng kơ êlan klei pui mđung asăp, mđung rup truh hŏng ƀĭng hmư̆ asăp, dlăng rup.

VOV4.Êđê - Ngă yang asei jing sa knăm djuê ana, kruăk knăl leh klei yuôm bhăn hlăm klei hdĭp mơ̆ng grăp čô êkei Êđê. Knăm anei ăt bi êdah klei hdơr knga, klei mdidng dlăng anak čô, găp djuê hlăm gŏ sang kơ phung khua thŭn.