VOV4.Êđê - 78 thŭn mkŏ mjing Sang mđung asăp blŭ Việt Nam, VOV Lăn dap kngư ăt 30 thŭn mkŏ mjing lehanăn đĭ kyar, Hdră mđung asăp blŭ mnuih djuê ƀiă ăt mâo 30 thŭn hŏng lu klei bi hdơr. Mơ̆ng hdră nđung asăp blŭ klei Êđê gưl tal êlâo dưi mđung asăp hlăk thŭn 1993, truh ară anei, VOV Lăn dap kngư mkra, mđung leh klei blŭ 6 djuê ana mâo: Êđê, Jarai, Bahnar, Sedang, K’ho lehanăn M’nông. Ktuê êlan 30 thŭn anăn, mâo lu klei bi hdơr amâo dưi wơr bĭt ôh hŏng dŭm ênuk gưl mă bruă mđung asăp klei blŭ mnuih djuê ƀiă ti Lăn dap kngư.

VOV4.Êđê- Hlăm ênai kwang hlai mbĭt hŏng ênai čing čhar, ênai ki lehanăn ênai hgơr, ênhiang mmuñ Arya mâo mơ̆ng đưm – jing sa ênhiang mmuñ êdu ê’un lehanăn mâo boh tŭ yuôm êdi jiă knhuah êpul êya mơ̆ng mnuih ƀuôn sang djuê ana Churu hlăk êlâo, ară anei dưi krŭ wĭt ti krah krĭng čư̆ dliê Lăn dap kngư prŏng kdrưh. Amâo djŏ truh kơ ară anei ƀiădah mơ̆ng lu thŭn êlâo, ênhiang kdŏ anei mâo leh pô mbruă Touneh Ma Bio, ti thôn Diom A, să Lạc Xuân, kdriêk Đơn Dương, čar Lâm Đồng, kriê pioh.

VOV4.Êđê- Đĭng gông jing sa hlăm dŭm kdrăp tông ayŭ mơ̆ng dŭm djuê ana ti krĭng Lăn dap kngư. Brô̆ Goong dưi ba yua hlăm knăm bi mjĕ mjuk êpul êya, knăm m’ak lehanăn boh nik hlăm dŭm mmông mmuñ bi kmlah bi êdah asăp bi khăp êkei mniê. Khăp m’ai hŏng ênai brô̆ anei, pô mbruă Y-Djưng Êban ti să Čư̆ Suê, kdriêk Čư̆ Mgar, čar Dak Lak. Amâo djŏ knŏng thâo yua brô̆ anei ƀiădah lŏ jing pô thâo mkra brô̆ Goong čiăng lŏ čuê kơ čô anak pô.

VOV4.Êđê- Kkuh m’ak bi hdơr 78 thŭn Hruê krŭ kgŭ kdơ̆ng mlan 8 lehanăn Hruê hnŭk êngiê ala čar 2/9 thŭn anei, anôk bruă djŏ tuôm lehanăn bruă sang čư̆ êa alŭ wăl, dŭm anôk hiu čhưn ênguê dhar kreh, mnơ̆ng ƀơ̆ng huă djuê ana ti dŭm čar lăn dap kngư dôk mprăp drông tuê hiu čhưn truh ti alŭ wăl. Hdră hiu čhưn ênguê dhar kreh djuê ana mơ̆ng đưm anei amâo djŏ knŏng kriê pioh, mđĭ lar dhar kreh djuê ana jăk siam ƀiădah lŏ đru mđĭ hnư hrui wĭt grăp blư̆ drông tuê hiu čhưn mơ̆ng alŭ wăl:

VOV4.Êđê- Hlăm dŭm hruê anei, mbĭt hŏng mnuih ƀuôn sang ti djăp krĭng kwar ala čar dôk drông têt hnŭk êngiê, mnuih ƀuôn sang dŭm djuê ana djăp ƀuôn êlan lăn dap kngư lŏ hdơr kơ Awa. Khădah ka tuôm bi mtuôm, ƀiădah hlăm ai tiê grăp čô mnuih ti lăn dap kngư msĕ si ƀuh Awa dôk giăm nanao, dôk dlăng ktrâo lač nanao kơ hdră mă bruă, ƀuôn sang thâo hgŭm mguôp, răng mgang klei êđăp ênang, mjing ai ktang bi ktưn khăp kơ ala čar, mnuih ƀuôn sang mđĭ kyar bruă duh mkra, bi h’ĭt klei hdĭp.

VOV4.Êđê- Čar Kon Tum mâo êbeh 609.600ha dliê, hlăm anăn êbeh 547.700ha jing dliê čŏng mâo hŏng hnơ̆ng luôm dliê êbeh 63% ênhă mơ̆ng čar. Mbĭt hŏng hdră mđĭ kyar bruă duh mkra dliê, dŭm thŭn giăm anei, lu êpul êya mnuih ƀuôn sang djuê ana ƀiă tinei mtam, dŭm anôk bruă, alŭ wăl mơ̆ng čar Kon Tum lŏ mđing răng mgang, kriê pioh kjăp, ba yua klei jăk siam mơ̆ng dŭm mta hlông mnơ̆ng, ana kyâo mtâo lu jơr mơ̆ng dliê mjing hdră hiu čhưn ênguê mâo jak iêo lu phung tuê hriê čhưn.

VOV4.Êđê- Hŏng anăn “Amazing Kon Tum - Kon Tum jăk siam”, tlam mbruê 30/8, ti ƀuôn prŏng Kon Tum, Knơ̆ng bruă Dhar kreh, Mjuăt ktang asei mlei lehanăn Hiu čhưn ênguê čar Kon Tum mtrŭt mjhar leh klei bi lông mkra video clip hiu čhưn ênguê Kon Tum thŭn 2023.

VOV4.Êđê- Tlam mmăt mbruê 29/8, ti sang kdŏ mmuñ Hồ Gươm, Hà Nội, Khua bruă kƀĭn ala Vương Đình Huệ nao hlăm hdră klei kdŏ mmuñ “Mđiă Ba Đình”.

VOV4.Êđê- Ti ƀuôn prŏng Ƀuôn Ama Thuôt, čar Dak Lak, Anôk bruă mđung asăp blŭ Việt Nam jưh dôk ti krĭng Lăn dap kngư mrâo mkŏ mjing Klei bi kƀĭn trông kreh knhâo kơ Hdră msir kriê pioh dhar kreh klei khan Êđê, Jarai ti hdră mđung asăp blŭ mnuih djuê ƀiă VOV Lăn dap kngư.

VOV4.Êđê-Khan jing sa mta dhar kreh djuê ana jăk siam mnuih Êđê leh anăn lu djuê ana mkăn ti Lăn Dap Kngư. Anei jing hdră yua klei duê kơ klei yăl dliê dlông kơ klei hdĭp phung jhŏng ktang mkŏ mjing hlăm ƀuôn sang amâodah krĭng lăn. Klei duê ăt mâo lu hlăm dŭm mta klei yăl dliê anak Êđê.