VOV4.Êđê-Aguah 29/9, Anôk bruă djuê ana čar Kon Tum mkŏ mjing Klei bi kƀĭn bi mni kơ phung thâo mbruă, gŏ sang, anôk bruă djuê ana mâo lu klei tŭ hlăm bruă răng mgang leh anăn mđĭ lar ênoh yuôm bruă djuê ana.

VOV4.Êđê- Mmăt 29/9, ti êlan êbat jơ̆ng Hoàn Kiếm, mkŏ mjing knăm mphŭn pŏk Festival Yan hla luh Hà Nội thŭn 2023, hŏng akŏ “Yan Puih Hà Nội - Hriê čiăng khăp”.

VOV4.Êđê- Pô thâo mbruă Rơ Châm Nha (djuê ana Jarai) ti ƀuôn Mrông Yố, să Ia Ka, kdriêk Chư Pah, čar Gia Lai. Mnuih ƀuôn sang iêô jing pô thâo mbruă snăk kyua mâo lu klei thâo msĕ si mmuiñ ênhiang djuê ana, tông čing čhar, mkra mjing lu kdrăp tông ayŭ djuê ana, lŏ thâo khan đưm mnuih Jrai. Khădah snăn, ti anăp klei khan huĭdah srăng luč, pô thâo mbruă Rơ Châm Nha mâo lu klei rŭng răng.

VOV4.Êđê- Hruê mbruê 18/9, ti wăl krah Đăk Tô, kdriêk Đăk Tô, Bruă êdam êra Kon Tum mkŏ mjing hruê knăm phung êdam êra hŏng dhar kreh hlăm êlan klông sa ai hŏng Mlan êđăp ênang hlăm êlan klông thŭn 2023.

VOV4.Êđê- Ti ƀuôn prŏng Ƀuôn Ama Thuôt, čar Dak Lak, Sang kđăm mkra hdruôm hră Kim Đông bi mguôp hŏng phung čih klei yăl dliê čar Dak Lak mkŏ mjing klei bi mtuôm hŏng phung čih mčeh kơ phung hđeh, mtrŭt mjhar sa klei pah mni prŏng kơ dŭm klei čih kơ phung hđeh thŭn 2023.

VOV4.Êđê- Hŏng mnuih ƀuôn sang dŭm djuê ana ti Lăn dap kngư, êman jing sa čô hgŭm hlăm gŏ sang lehanăn ƀuôn sang. Mnuih Lăn dap kngư lač, êman jing sa mta mnơ̆ng bi êdah ai ktang lehanăn klei djăp ênŭm, mdrŏng sah. Ti anăp ênoh êman ƀrư̆ hruê ƀrư̆ hrŏ, Anôk bruă sang čư̆ êa čar Dak Lak bi mklă leh hdră đru kơ bruă hluê ngă bi mlih gru hmô đĭ êman jing gru hmô hiu čhưn jăk hŏng êman.

VOV4.Êđê- Aguah 14/9, Êpul hgŭm mjĕ mjuk Việt Nam – Japon čar Dak Lak mkŏ mjing leh Hdră bi mjĕ mjuk dhar kreh Việt Nam – Japon ti čar Dak Lak hlăm thŭn 2023.

VOV4.Êđê- Tŭ ư asăp jak iêu mơ̆ng Sang hră gưl prŏng Jeonju Kijeon – Dhŭng Korea, hruê anei, 13/9, Knơ̆ng bruă Dhar kreh mjuăt ktang asei mlei lehanăn Hiu čhưn ênguê Gia Lai mkŏ mjing leh Knăm atăt êpul 14 čô mbruă mơ̆ng ƀuôn prŏng Pleiku lehanăn kdriêk Ia Grai nao ti Dhŭng Korea hgŭm hlăm Knăm m’ak Sori quốc tế Jeonju 2023.

VOV4.Êđê- Tlam mbruê 10/9, Phŭn bruă Dhar kreh, mjuăt asei mlei leh anăn hiu čhưn ênguê bi mguôp hŏng bruă sang čư êa čar Bình Định mkŏ mjing kñăm mjưh ruê̆ hruê knăm dhar kreh dŭm djuê ana Krĭng kwar Krah

VOV4.Êđê - Y-Djuan Mjâo (khăng iêo Aê Lot) 65 thŭn, ti ƀuôn M’Ngoan, să Ea Hồ, kdriêk Krông Năng, čar Dak Lak jing sa čô thâo mbruă. Amâo djŏ knŏng tuč lu klei tông čing, mkra mjing leh anăn ayŭ lu kdrăp ayŭ msĕ si Taktar, đing năm, đinh buôt, ñu lŏ thâo mñê eirei, mmuiñ kưt, thâo klei bhiăn djuê ana leh anăn amâo mdei gĭr ktưn bi hriăm djăp ênuk ti ƀuôn sang.