VOV4.Êđê - Tlam mmăt mbrue 16/2, Êpul hgŭm bruă klei mrâo čar Kon Tum pŏk leh knăm mơak bruă klei mrâo yan mnga Giáp Thìn năm 2024. Bruă anei mâo mkŏ mjing ti sang dăp pioh ngăn drăp čar Kon Tum hlŏng truh jih hrue 19/2.

VOV4.Êđê - Dŭm hruê anei, ti dŭm alŭ wăl hlăm čar Dak Lak dôk mkŏ mjing lu mta bruă dhar kreh, knăm mơak mơ̆ng dŭm djuê ana, mkŏ mjing rup lu jơr êa mil dhar kreh mơ̆ng krĭng Lăn Dăp Kngư.

VOV4.Êđê - Ƀuôn Akŏ Dhông jing ƀuôn sang Êđê jăk siam êdi ti krah ƀuôn prŏng Ƀuôn Ama Thuôt, čar Dak Lak. Hlăm anăn mâo Arul House jing sa wăl anôk sang dôk – anôk kriê pioh dhar kreh jăk êdi mơ̆ng mnuih Êđê. Ti wăl anôk anei bi mklin gru kruăk mơ̆ng dŭm thŭn mlan, mơ̆ng čư̆ dliê lehanăn kllei hdĭp mnuih Êđê. Truh ti Akŏ Dhông jing klei bi tuôm lehanăn hrăm mbĭt mơ̆ng mnuih khăp kơ dhar kreh djuê ana jăk siam ti krĭng Lăn dap kngư.

VOV4.Êđê - Hruê mbruê, ti să Čư̆ Prông, bruă sang čư êa kdriêk Ea Kar, čar Dak Lak Lak mphŭn pŏk hruê knăm Dhar kreh dŭm djuê ana kdriêk Ea Kar gưl tal III.

VOV4.Êđê- Tlam 14/2 (jing hruê 5 Tết), ƀuôn prŏng Đà Lạt (Lâm Đồng) lŏ dơ̆ng iêô jak lu tue hiu čhưn nao čhưn dlăng, mdei msăn. Mđĭ ênoh tuê nao čhưn hlăm gưl yan mnga Giáp Thìn 2024 đĭ giăm 62% mkă hŏng wưng anei thŭn dih.

VOV4.Êđê- Knăm m’ak yan mnga mơ̆ng mnuih ƀuôn sang Lăn dap kngư amâo dah jing “Knăm m’ak Huă blăm mnăm thŭn” jing knăm m’ak mnuih Lăn dap kngư mkŏ mjing leh yan hrui wiă, hrui êmiêt mnơ̆ng dhơ̆ng, drông thŭn mrâo. Hlăm wưng anei, grăp gŏ sang mprăp ba wĭt mdiê kơ pưk lehanăn mgrông mngăt mdiê wĭt kơ sang, mbĭt anăn mkŏ mjing knăm m’ak huă êsei mrâo čiăng lač jăk kơ yang adiê, yang mdiê, aê aduôn atâo atiêt sa yan ngă bruă djŏ boh mnga lehanăn akâo kơ sa thŭn mrâo ktơr bŏ hjiê mdiê bŏ brŏng. Anei jing yan “Huă blăm mnăm thŭn”, yan bi mjĕ mjuk bruă dhar kreh êpul êya, yan bi mjĕ mjuk dhar kreh, tui duah găp mơ̆ng phung êkei êdam mniê êra.

VOV.Êđê- Čar Kon Tum mâo hlăm brô 54% mnuih ƀuôn sang jing mnuih djuê ƀiă, hlăm anăn mâo 7 djuê ana mơ̆ng đưm msĕ si: Sêdang, Jeh triêng, Bahnar, Jarai, Brâu, Rơmăm leh anăn Hrê.

VOV4.Êđê- Hŏng mnuih Êđê, dliê yuôm bhăn êdi, răng mgang dliê jing răng mgang klei hdĭp mnuih ƀuôn sang drei. Klei anei dưi čih lač klă hlăm hdruôm klei bhiăn mơ̆ng mnuih djuê ana Êđê, kčah mtrŭn leh klă klơ̆ng kơ êpul êya, čiăng kơ grăp čô amâo dưi čhŭ luă, amâo dưi bi rai klei yuôm bhăn mơ̆ng dliê. Êngao anăn, mnuih Êđê lŏ mtă mtăn kơ phung čô anak thâo răng mgang dliê hlăm dŭm ênhiang mmuñ djuê ana tơdah mâo dŭm knăm m'ak mâo lu mnuih ƀuôn sang nao hgŭm. Hlăm klei hdĭp grăp hruê lŏ mâo dŭm hdră kčah klă klơ̆ng čiăng răng mgang dliê kyua mnuih Êđê mâo klei mĭn snei: “Čư̆ dliê jing mnơ̆ng Yang brei, jing mnơ̆ng aê aduôn brei kơ anak čô”.

VOV4.Êđê- Klei hdĭp ai tiê klei mĭn mơ̆ng mnuih djuê ana Êđê mâo lu jơr êdi hŏng lu klei mĭn đăo, mjing lu knăm m’ak, klei bhiăn ngă yang siă suôr hŏng klei hdĭp mơ̆ng anak mnuih lehanăn klei hdĭp aguah tlam mlam hruê, bruă duh mkra pla mjing. Yan mnga truh, ai êwa knăm m’ak mčhĭt m’uăt ti djăp ƀuôn êlan, alum kơ jih jang ƀĭng hmư̆ hdră mđung bi tuôm hŏng Y Blin Adrơ̆ng, kreh iêu Aê Tú, (kkiêng thŭn 1968) jing khua mduôn lehanăn jing pô mbruă tông čing čhar ti ƀuôn Drai Điêt, să Dliê Yang, kdriêk Ea Hleo, čar Dak Lak čiăng mđing hmư̆ klei mĭn mơ̆ng pô mbruă hŏng hdră kriê pioh knhuah dhar lreh jăk siam mơ̆ng mnuih djuê ana Êđê.

VOV4.Êđê- Aguah mbruê (4/2), ti Wăl tač prŏng hruê 10/3, Êpul hgŭm bruă Văn học Nghệ thuật Dak Lak lẹhanăn Anôk bruă sang čư̆ êa ƀuôn prŏng Ƀuôn Ama Thuôt bi hgŭm mkŏ mjing leh Knăm mphŭn pŏk hdră bi mjĕ mjuk dhar kreh tông čing čhar ƀuôn prŏng Ƀuôn Ama Thuôt lehanăn rang mdah pŏk rup, čih boh hră thư pháp kkuh drông Yan mnga Giáp Thìn 2024.