Leh ksiêm yap hlăm kluôm čar mâo truh 44 gŏ sang dôk hlăm ênoh dưi đru, mâo  24 boh sang mdơ̆ng mrâo, lehanăn 20 boh sang lŏ mkra wĭt.

Đại tá Đinh Văn Hưng, Khua bruă kđi čar hlăm knơ̆ng bruă kahan čar Daklak brei thâo, êngao kơ ênoh mơ̆ng knŭk kna đru, êpul lĭng kahan lŏ bi mkrum mâo truh 100 êklăk prăk hŏng sang mdơ̆ng mrâo, lehanăn đru 50 êklăk prăk hŏng sang lŏ wĭ tmkra, K’iăng khua knơ̆ng bruă sang čư̆ êa čar Daklak Đào Mỹ lač, anei jing bruă kđi čar yuôm bhăn, jiă knhuah klei thâo bi đru, bi êdah ai tiê klei hdơr knga hŏng mnuih mâo bruă tŭ dưn, mbĭt anăn mtă kơ dŭm êpul êya bruă mâo klei bi mguôp hĭn, čiăng kơ jih jang bruă rŭ mkra dưi ngă djŏ jăk djŏ hŏng mta mtrŭn./.