Mbĭt anăn mbha lăn pioh kơ bruă yang ƀuôn tui si klei bhiăn mơ̆ng mdê bi alŭ wăl. Tui si hdră êlan mrâo, čar Gia Lai srăng đru sa blư̆ kơ mnuih djuê ƀiă ƀun, gŏ sang giăm ƀun kƀah lăn pla mjing. Klei kơ lăn dôk, dŭm gŏ sang ka mâo ôh lăn amâodah kƀah lăn dôk srăng dưi ksiêm dlăng brei klei dưi bi mlih klei dưi djă yua lăn, dôk hlăm wưng tui si hdră mtrŭn.

Klei kơ lăn pla mjing, dŭm gŏ sang mâo lăn pla mjing truh kgŭ 50% ênoh kčah čuăn, srăng dưi lŏ ksiêm dlăng bruă mkăp thiăm lăn, lehanăn amâo mâo hrui mă ôh prăk djă yua lăn. Hdră mtrŭn tal anei đru bi sa hnơ̆ng hdră êlan hlăm kluôm čar, lehanăn ruh mgaih jih klei dleh dlan klei kơ lăn ala, mjing klei găl čiăng kơ mnuih ƀuôn sang hơĭt ai tiê hdĭp mda duh ƀơ̆ng, hlue ngă tŭ jing bruă bi hrŏ ƀun hŏng klei kjăp./.