Ti knông lăn să Ƀuôn Đon, Kđông kahan răng mgang knông lăn Bo Heng bi hgŭm hŏng Adŭ bruă kahan ksiêm êlan klông čar Dak Lak, Êpul hgŭm đru čung ba mnuih ƀuôn sang Ƀuôn prŏng Hồ Chí Minh leh anăn Anôk bruă hiu čhưn ênguê Kban yuôl Ƀuôn Đon mkŏ mjing hdră bruă "Têt khăp čiăng" ti Ƀuôn Trí. Phung hđeh dưi nao hlăm klei kdŏ anak rai, klei hlăp lêñ djuê ana, bi mjĕ mjuk kdŏ mmuñ leh anăn tŭ mă 695 hnư mnơ̆ng. Anôk bruă mkŏ mjing ăt mđup brei 150 hnư mnơ̆ng kơ dŭm gŏ sang mâo klei hdĭp dleh dlan.

Ti knông lăn să Ia Rvê, Kđông kahan răng mgang knông lăn Ia Rvê mđup brei leh êbeh 1.300 hnư mnơ̆ng kơ phung hđeh mơ̆ng gưl hđeh điêt truh kơ gưl dua leh anăn phung hđeh ti alŭ wăl. Ti krĭng knông lăn êa ksĭ ƀuôn hgŭm Xuân Đài, Kđông kahan răng mgang knông lăn Xuân Đài bi hgŭm hŏng Êpul hgŭm phung mniê ƀuôn hgŭm mđup brei 200 hnư mnơ̆ng Knăm mơak mlan pur. Dŭm hnư mnơ̆ng đru kơ phung hđeh krĭng knông lăn mâo thiăm klei hơ̆k mơak hlăm hruê mlan pŭr, bi êdah klei hrăm mbĭt mơ̆ng phung knuă druh, lĭng kahan knông lăn hŏng gưl bruă Đảng, bruă sang čư̆ êa, dŭm êpul êya leh anăn phung mâo ai tiê kmah hŏng dŭm gŏ sang dôk hlăm klei dleh dlan.