Khua dlăng bruă Đảng gưl dlông Nguyễn Văn Quảng mđup brei mnơ̆ng Têt mlan pŭr ƀuôn phung hđeh SOS Đà Lạt
Thứ tư, 09:59, 23/09/2026
Y-Ƀel Êban/ VOV Tây Nguyên
Y-Ƀel Êban/ VOV Tây Nguyên
VOV.Êđê- Tlam mbrue (22/9), Khua hlăm bruă Đảng gưl dlông, Khua sang phat kđi yang ƀuôn gưl dlông, pô bi ala bruă kƀĭn ala čar Lâm Đồng Nguyễn Văn Quảng nao čhưn, mđup brei mnơ̆ng Tết Trung thu kơ phung hđeh điêt ƀuôn hđeh SOS Đà Lạt.
Ƀuôn hđeh SOS Đà Lạt ară anei dôk rông ba, kriê dlăng 46 čô hđeh êrĭt amĭ ama, hđeh arăng lui, hđeh mâo klei hdĭp dleh dlan mơ̆ng 5 truh kơ 18 thŭn.
Bi ala kơ khua gĭt gai Đảng, Knŭk kna leh anăn Êpul bi ala Anôk bruă kƀĭn ala čar Lâm Đồng, Khua sang phat kđi yang ƀuôn gưl dlông Nguyễn Văn Quảng hơêč hmưi Tết kơ phung hđeh, mđup brei mnơ̆ng kơ phung hđeh, mbĭt anăn hmăng hmưi phung hđeh drông sa Tết Trung thu jăk mơak, trei mđao lehanăn jing sa boh kdrŭt čiăng kơ phung hđeh mŭt hlăm thŭn hriăm mrâo 2026- 2027 hŏng lu klei tŭ jing mrâo.
Viết bình luận