Hlăm klei bi kƀĭn knŭk kna grăp gưl kơ boh tŭ dăp alŭ, ƀuôn hlăm kluôm ala, K’iăng Khua Phŭn bruă kriê dlăng bruă knuă Nguyễn Thị Hà brei thâo, 34/34 čar, ƀuôn prŏng hlăm Gưl dlông bi leh bruă dăp alŭ, ƀuôn hlue si klei kčah mơ̆ng Phŭn bruă kđi čar leh anăn Knŭk kna.

Leh mkŏ dăp, ênoh alŭ, ƀuôn hlăm kluôm ala hrŏ mơ̆ng 89.589 adôk 48.078 (hrŏ 41.511 anôk bruă, bi knar hrŏ 46,33%). Hluê si Kiăng khua phŭn bruă kiă kriê bruă knuă, bruă mkŏ dăp amâo djŏ knŏng bi khuăt anôk bruă ƀiădah lŏ mđĭ hnơ̆ng kriê dlăng, ênoh ƀuôn hgŭm, êpul êya mnuih ƀuôn sang djăp hnơ̆ng čuăn hluê si klei kčah mtrŭn dưi mđĭ leh anăn mgaih msir phŭn klei kƀah hnơ̆ng prŏng, mbĭt anăn ăt rơ̆ng kjăp dŭm ƀuôn hgŭm, êpul êya mnuih ƀuôn sang mâo klei mdê hjăn kơ hƀuê ênuk, dhar kreh, djuê ana, klei đăo, bruă lĭng kahan, klei êđăp ênang leh anăn anôk ala.