Pô bi ala Nguyễn Thị Hồng Hạnh, Êpul mơ̆ng ƀuôn prŏng Hồ Chí Minh ba mdah mđĭ lar bruă klam mơ̆ng phung mâo iêo jak nao hgŭm hlăm hdră msir mghaih, boh nik jing êpul phung mgang kđi, čiăng đru kčĕ, đru mđĭ hnơ̆ng tŭ hdră bi grăng.

Hlăk êjai anăn, pô bi ala Hoàng Quốc Khánh, Êpul Lai Châu bi êdah klei uêñ mĭn kơ klei dưi hlue ngă mơ̆ng klei bi grăng online ti krĭng čư̆ čhiăng, anôk klei găl kdrăp mnơ̆ng leh anăn hdră bi grăng tinăn mtam ăt djŏ guôp hĭn. Pô bi ala Chamaléa Thị Thủy, Êpul Khánh Hòa akâo brei mâo hdră mjuăt bi hriăm, mkăp kdrăp mnơ̆ng kdrăp mrâo kơ phung bi grăng, boh nik ti krĭng taih kbưi, krĭng mnuih djuê ƀiă, čiăng kơ bruă ba yua kdrăp mrâo leh anăn klei thâo anak mnuih ngă bruă klă sĭt mđĭ lar boh tŭ dưn hlăm boh sĭt.