Gưl nao čhưn klă klơ̆ng ti ala čar Prăng mơ̆ng Khua gĭt gai Đảng, Khua lăn čar Tô Lâm jing klei găl čiăng kơ Việt Nam leh anăn Prăng mtrŭt mđĭ hĭn klei bi hgŭm hlăm dŭm mta bruă mâo Prăng mâo klei găl msĕ si pui kmlă, bruă mkŏ mkra phŭn, bruă êlan klông ƀuôn prŏng, bruă êdeh phiơr, mdrơ̆ng hŏng klei bi mlih yan adiê; mbĭt anăn pŏk mlar hlăm dŭm mta bruă djŏ tuôm hŏng mta kñăm mđĭ kyar mơ̆ng Việt Nam msĕ si, kreh knhâo, kdrăp mrâo, bruă êdeh phiơr, kdrăp mrâo mkăp kơ klei mlih mrô, klei thâo anak mnuih.

Gưl nao čhưn srăng đru mtrŭt mđĭ klei bi hgŭm Ƀĭng hgŭm phŭn kluôm dhuôm plah wah Việt Nam leh anăn Prăng nao êlam hĭn, klă sĭt, tŭ dưn. Hluê anăn đru mkŏ mjing boh kdrŭt mrâo kơ klei đĭ kyar mơ̆ng Việt Nam kñăm mkŏ mjing ala čar mdrŏng sah hlăm êdei anăp giăm leh anăn bi klă kơhưm jăk siam mơ̆ng Việt Nam hlăm tar rŏng lăn.