Klei bi kƀĭn mâo êbeh 150 čô bi ala jing phung knuă druh bruă phung êdam êra leh anăn phung mnia mblei mda asei êdah êdi mơ̆ng tlâo ala čar. Blŭ hrăm hlăm hdră, phung bi ala mñă klă: Việt Nam, Lào leh anăn Campuchia hrăm mbĭt kah mbha leh hƀuê ênuk, bi mjĕ mjuk jĕ giăm sui thŭn mlan; hrăm mbĭt, bi đru hgao dŭm wưng dleh dlan mơ̆ng hƀuê ênuk bi blah mtlaih êngiê djuê ana. Hlăm ênuk gưl mrâo, tlâo ala čar lŏ dơ̆ng hrăm mbĭt hlăm bruă mkŏ mjing, răng mgang leh anăn mđĭ kyar lăn čar.

Klei mjĕ giăm jing tur knơ̆ng yuôm bhăn čiăng kơ dŭm alŭ wăl pŏk mlar klei bi hgŭm klă sĭt hlăm lu mta bruă: bruă duh mkra, mnia mblei, duh bi liê, mtô bi hriăm, kreh knhâo - kdrăp mrâo, dhar kreh leh anăn hiu čhưn ênguê. Hlăm hdră, bruă êdam êra čar Gia Lai ngă leh klei bi klă Hră bi hdơr bi hgŭm wưng thŭn 2026 - 2030 hŏng bruă Êdam êra ar Sekong, Salavan leh anăn Attapeu (Lào) kñăm bi sĭt dŭm klei ƀuăn rơ̆ng mđĭ kyar./.