Tĭng truh jih mlan 6, dŭm anôk bruă gưl dlông leh anăn alŭ wăl bi mklă leh hnơ̆ng kluôm ksiêm dlăng; hlăm anăn ksiêm dlăng leh anăn ba mdah hdră msir hŏng êbeh 13.200 hră mơar hdră bhiăn. Leh hmư̆ dŭm klei blŭ, Khua bruă kƀĭn ala lač klă, klei hưn amâo djŏ knŏng čih yap dŭm hră mơar amâo djŏ ƀiădah brei bi mklă hdră tă, bruă klam, hdră msir leh anăn hdră êlan bi leh klei bhiăn mơ̆ng grăp phŭn, dhar bruă, alŭ wăl.

Mta kñăm knhal tuč jing ngă kơ hdră bhiăn khuăt hĭn, ênưih thâo săng hĭn, ênưih hluê ngă hĭn; bi hrŏ klei ngă hră mơar leh anăn bi hrŏ ênoh bi liê hluê ngă. Leh klei ksiêm wĭt anei, hdră bhiăn brei bi sa hnơ̆ng hĭn, klă mngač hĭn leh anăn mkăp kơ klei đĭ kyar jăk hĭn./.