Klah čŭn klei bi kƀĭn, Khua gĭt gai Đảng, Khua lăn čar mñă klă, bruă bi kluôm Êpul gĭt gai gưl dlông tal anei amâo djŏ knŏng jing bruă bi mlih kơ klei mbha bruă leh anăn êlam hĭn jing klei bi mlih kơ mta phŭn bruă čiăng mkăp hŏng klei čiăng hlăm wưng mrâo. Ñu mtă, lŏ dơ̆ng mlih ktang mơ̆ng kriê dlăng hnơ̆ng truh kơ kriê dlăng brei mâo boh tŭ dưn klă klơ̆ng, grăp mta bruă brei bi mklă boh klei čiăng msir mgaih, mâo boh tŭ knhal tuič, pô yua, leh anăn mjing boh tŭ dưn dưi ksiêm dlăng, bi mklă.

Khua gĭt gai Đảng, Khua lăn čar ăt lač, brei mjing klei bi mlih phŭn mơ̆ng bruă ngă hŏng kngan jing bruă ngă hŏng klei mbruă, mơ̆ng bruă ngă hŏng ai jing bruă ngă hŏng klei thâo mĭn, kyuadah drei amâo mâo dưi đĭ kyar pral leh anăn hơĭt kjăp ôh tơdah ăt knŏng knang kơ bruă ngă hŏng kngan, mkra mjing, mkŏ dưm amâodah ba yua dŭm klei găl mâo leh./.