Dŭm sang măi pui kmlă êran hŏng ai angĭn dưi rŭ mdơ̆ng mâo sang măi pui kmlă êran hŏng ai angĭn Ƀuôn Hồ 1 leh anăn Ƀuôn Hồ 2 hŏng hnơ̆ng 40MW, mbĭt hŏng sang măi pui kmlă êran hŏng ai angĭn Čư̆ Mgar 2 mâo hnơ̆ng 10MW. Kluôm klei čiăng yua lăn hlăm brô 10,5ha ti dŭm dă Ea Tul, Pơng Drang leh anăn dŭm ƀuôn hgŭm Ƀuôn Hồ, Čư̆ Bao.

HDră anei mơ̆ng sa knơ̆ng bruă hlăm Êpul grŭp pui kmlă Prăng (EDF) jing pô duh bi liê. Mĭn tĭng dŭm sang măi srăng bi leh leh anăn ba yua, bi êran hlăm knhal jih thŭn 2028. Hlăm knăm phŭn rŭ mdơ̆ng, khua Bruă sang čư̆ êa čar Dak Lak mñă klă drông nanao phung duh bi liê, boh nik hlăm bruă pui kmlă doh. Anei jing bruă Dak Lak mâo klei găl prŏng hŏng êbeh 14.000 MW mâo leh Khua Knŭk kna bi klă hlăm klei čuăl mkă pui kmlă 8.