Blŭ hrăm hlăm hruê knăm, Đại tướng Trịnh Văn Quyết mñă klă, răng mgang klei êđăp ênang lăn čar jing bruă mơ̆ng jih jang mnuih ƀuôn sang ti gŭ klei gĭt gai mơ̆ng Đảng, hlăm anăn êpul kahan ksiêm yang ƀuôn mâo bruă klam kmeh gơ̆ng.

Čiăng răng mgang klei êđăp ênang mơ̆ng hnưm, mơ̆ng kbưi srăng răng mgang mơ̆ng phŭn, phŭn jing ai tiê mnuih ƀuôn sang. Khua êpul bruă hâo hưn gưl dlông mñă kơ čar Gia Lai lŏ dơ̆ng hyuă kjăp leh anăn hluê ngă tŭ dưn dŭm hdră mtrŭn mơ̆ng gưl dlông kơ bruă mkŏ mjing yang ƀuôn hdră bhiăn, êđăp ênang, mrâo mrang leh anăn hdră răng mgang klei êđăp ênang ala čar, mlih mrâo bruă hâo hưn, mđĭ ai bi kdơ̆ng ti anăp dŭm klei dưn amâo mâo djŏ hlăm internet, mđĭ hĭn klei bi mguôp plah wah Kahan ksiêm, lĭng kahan, mặt trận čar kwar leh anăn dŭm êpul bruă, mkŏ mjing êpul kahan ksiêm klă sĭt jĕ hŏng mnuih ƀuôn sang, mpŭ kơ mnuih ƀuôn sang, thâo săng mnuih ƀuôn sang, leh anăn kyua mnuih ƀuôn sang ngă bruă.