Êpul bi ala bruă kƀĭn ala čar Dak Lak ksiêm dlăng leh bruă pŏk ngă Hdră bhiăn lăn ala thŭn 2024 ti Knơ̆ng bruă lŏ hma leh anăn wăl hdĭp mda kñăm ksiêm dlăng boh tŭ hlue ngă hdră bhiăn, čih yap klei dleh dlan, gun kpăk, mâo mơ̆ng boh sĭt čiăng duh kơ bruă mkra mlih, bi leh hdră êlan, hdră bhiăn kơ lăn ala hlăm wưng kơ anăp.

Hlăm mmông ksiêm dlăng, phung hlăm Êpul bi ala bruă kƀĭn ala čar Dak Lak bi trông, bi mklă klei dleh dlan, gun kpăk hlăm hdră hlue ngă Hdră bhiăn lăn ala thŭn 2024, boh nik jing bruă mkăp hră bi mklă klei yua lăn, ruh mgaih anôk ala, mkŏ mjing tur knơ̆ng mrô lăn ala leh anăn hlue ngă mbha gưl, klei dưi hlăm gru hmô bruă sang čư̆ êa alŭ wăl dua gưl. Blŭ hlăm klah čŭn, Lê Đào An Xuân,  K’iăng Khua Êpul bi ala bruă kƀĭn ala čar Dak Lak mtă, hlăm boh klei mđĭ mbha gưl, mbha klei dưi leh anăn tă hdră mkŏ mjing hdră bhiăn hlue si jar, Knơ̆ng bruă lŏ hma leh anăn wăl hdĭp mda srăng lŏ dơ̆ng đru kčĕ, bi leh hră mơar hlăm klei dưi alŭ wăl kñăm rơ̆ng kơ bruă mkŏ mjing hlue ngă Hdră bhiăn lăn ala tŭ dưn, sa anăn leh anăn djŏ guôp hŏng klei čiăng boh sĭt.