Hluê si hdră kčah, hdră pŏk ngă mơ̆ng ară anei truh 2035, mbha jing dua wưng, hŏng ênoh prăk tĭng mkă êbeh 214 êklai prăk. Wưng thŭn 2026-2030, mĭn tĭng duh bi liê giăm 135 êklai prăk čiăng mkra mđĭ êlan klông hlăm krĭng mnuih ƀuôn sang dôk, krĭng pla mjing; rŭ mdơ̆ng sang hră hđeh điêt, adŭ hriăm gưl sa, anôk bruă mdrao mgŭn, sang bi kƀĭn êpul êya leh anăn sang mă bruă alŭ.

Hdră bruă mbĭt anăn đru mkŏ dăp, bi hơĭt 50 gŏ êsei mnuih ƀuôn sang, rŭ mdơ̆ng sang dôk, čuăl mkă lăn pla mjing, mđĭ kyar bruă pla mdiê lŏ, mnơ̆ng dhơ̆ng leh anăn đru mjeh mnơ̆ng pla, mnơ̆ng rông. Wưng thŭn 2030-2035, mĭn tĭng duh bi liê 79 êklai prăk čiăng lŏ dơ̆ng mkŏ dăp, bi hơĭt 50 gŏ êsei mnuih ƀuôn sang, mguôp hŏng đru sang dôk, čuăl mkă lăn pla mjing leh anăn mđĭ kyar hdră duh ƀơ̆ng.