Hluê si Chuyên, amĭ ñu jing Dương Thị Chín, sa anôk bruă cách mạng tuôm rông ba leh phung knuă druh, lĭng kahan, yăl dliê leh kơ klei mnuih ƀuôn sang ƀuh sa msat lĭng kahan djiê êngiă thŭn 1968. Čiăng hdơr kơ anôk, Chín mdơ̆ng gơ̆ng bê tông, čih boh hră djŏ tuôm kơ anôk êdeh phiơr roh mnah lĭng kahan. Wăt tơdah gơ̆ng anei sô leh hŏng thŭn mlan,  Chuyên ăt hdơr klei amĭ mtă leh anăn hưn hŏng bruă sang čư̆ êa alŭ wăl.

Tŭ mă klei hâo hưn, Êpul K51, Adŭ bruă kđi čar, Knơ̆ng gĭt gai lĭng kahan čar Dak Lak bi hgŭm hŏng dŭm êpul êya ksiêm dlăng, kuai mă leh anăn ƀuh klang kleh mbĭt hŏng lu mnơ̆ng dhơ̆ng. Mâo mă mta čiăng ksiêm dlăng ADN, đru bi mklă anăn phung lĭng kahan djiê êngiă. Bruă ngă mơ̆ng Chuyên đru mđĭ lar boh tŭ yuôm mơ̆ng hdră tui duah, bi kƀĭn klang kleh phung lĭng kahan djiê êngiă, hluê ngă knhuah gru "Mnăm êa hdơr kơ hnoh".