Ti anôk bi kƀĭn, Êpul khua kiă kriê bruă Đảng čar jao leh 11 klei bi mklă kơ bruă kah mbha, tiŏ nao, bi mŭt mbĭt lehanăn ruah mdưm mnuih mă bruă. Êdah êdi, Trần Xuân Túc păn ngă Kơiăng khua Anôk bruă ksiêm dlăng bruă Đảng čar; Trần Văn Tân păn ngă Khua bruă Đảng ƀuôn hgŭm Phú Yên; Ya Toan Ênuôl păn ngă Kiăng khua anôk bruă hâo hưn mtô mblang lehanăn čung ba mnuih ƀuôn sang mơ̆ng bruă Đảng čar.

Mbĭt anăn, Êpul khua Êpul gơ̆ng bruă ƀuôn sang čar ruah mdưm Hoàng Trọng Hùng lehanăn Lê Phúc Long păn ngă Kiăng khua Adŭ bruă Êpul bi ala anôk bruă kƀĭn ala leh anăn Êpul bi ala Anôk bruă mặt trận čar. Ƀri gưl anei, Khua anôk bruă sang čư̆ êa čar ăt jao klei bi mklă tiŏ nao, ruah mdưm 5 čô knuă druh kriê dlăng ti dŭm knơ̆ng, dhar bruă lehanăn anôk duh mkra, hlăm anăn Y Hương Niê păn ngă K’iăng khua knơ̆ng kreh knhâo leh anăn mrâo mrang, Nguyễn Hoàng Phúc păn ngă khua êpul kiă kriê anôk bruă duh mkra Phú Yên.