Mơ̆ng hdră ksiêm dlăng, čar ba 396 hdră bruă, anôk bruă hlăm ênoh ktuê dlăng, msir mghaih. Truh ară anei, dŭm anôk bruă djŏ tuôm msir mghaih leh klei dleh dlan, kpăk gun kơ 258 hdră bruă. Knŏng êpul hdră bruă êngao ngăn prăk, msir mghaih leh 193 hlăm ênoh 200 hdră bruă, mbĭt anăn mdei 8 hdră bruă amâo tŭ dưn, hrui wĭt 91 ha lăn.

Khua bruă Đảng čar Dak Lak Lương Nguyễn Minh Triết mtă lŏ dơ̆ng ksiêm dlăng, bi mklă hdră bruă hluê si hnơ̆ng gun kpăk, bi mklă klă anôk bruă leh anăn pô klam bruă, amâo brei hră mơar lĕ hlăm klei mđĭ mđăl, mđĭ mđăl amâodah ñĕ kơ bruă klam. Dŭm boh klei mâo klei bi knăl ngă soh brei msir mghaih klei dleh dlan, msir mghaih bruă klam hluê si klei kčah mtrŭn. Phung khua gĭt gai čar mtă brei bi leh klei bi mklă, mbha gưl msir mghaih êlâo kơ hruê 30/9; mbĭt anăn mtrŭt mjhar phung duh bi liê, anôk bruă rŭ mdơ̆ng mđĭ pral hnơ̆ng ngă bruă.