Hlăm hdră kuai mă lăn mkra mđĭ čiăng pla ana akasi ti krĭng čư̆ Suối Dứa, alŭ Đồng Lãnh, să Phú Hòa 2, čar Dak Lak, Trần Văn Lợi, ti alŭ An Mỹ Nam, ƀuh sa kdrăp mnơ̆ng dôk ti gŭ lăn. Hlăm lam mâo lu mta mnơ̆ng đưm mơ̆ng lĭng kahan kyua anăn ñu hưn hŏng anôk bruă lĭng kahan alŭ wăl.

Hruê 21/9, Knơ̆ng gĭt gai lĭng kahan să Phú Hòa 2 bi hgŭm hŏng Êpul K51, Adŭ bruă kđi čar, Knơ̆ng gĭt gai lĭng kahan čar Dak Lak mkŏ mjing klei tui duah leh anăn bi kƀĭn sa klang lĭng kahan djiê êngiă.

Mbĭt hŏng klang lĭng kahan, êpul bruă djŏ tuôm ƀuh 13 ƀĕ ƀŭk, čhum ao lĭng kahan, giê čih, klŏ boh tâo, klei kă kdrăp lĭng kahan, ƀrĭk msei, ƀrĭk msei… Kyua asei mlei jing lăn leh, amâo mâo djăp klei găl mă mta ksiêm mkă ADN. Asei mlei dôk kriê pioh ti Sang bi hdơr kơ phung êngiă asei alŭ Phụng Trường 1, dôk guôn mkŏ mjing klei čang ênuh, dơr. Anei jing asei mlei phung êngiă asei tal 35 mâo Êpul K51 hrui m ƀĭn mơ̆ng leh pŏk ngă "Hdră bruă 500 hruê mlam".