Hlăm klei bi trông, dua tĭng tĭng dlăng klei bi mjĕ Việt Nam-Lào lŏ dơ̆ng đĭ kyar jăk, kluôm dhuôm; bi tŭ ư mđĭ klei bi hgŭm êlam hĭn hlăm boh sĭt "bi mguôp hdră êlan", mđĭ klei bi hgŭm bruă lĭng kahan, răng mgang klei êđăp ênang, mbĭt anăn mjing boh kdrŭt hlăm bruă duh mkra, mnia mblei leh anăn duh bi liê.

Hlăm 7 mlan akŏ thŭn anei, Việt Nam mâo 20 hdră duh bi liê ti Lào hŏng ênoh bi klă êbeh 638 êklăk USD, đĭ 4,2 blư̆ mkă hŏng wưng anei thŭn 2025. Dua tĭng bi tŭ ư mtrŭt mđĭ dŭm hdră bruă phŭn, mđĭ klei bi hgŭm bruă mtô mjuăt bi hriăm, dhar kreh, hiu čhưn ênguê leh anăn mjĕ mjuk mnuih ƀuôn sang. Hlăm gưl nao čhưn, Kiăng Khua knŭk kna Phạm Gia Túc ăt nao čuă dŭm hdră bi hgŭm jăk siam ti ƀuôn prŏng phŭn Vientiane, hlăm anăn mâo hdră kriê dlăng mnuih ƀuôn sang, Anôk bruă gĭt gai răng mgang klei êđăp ênang Phŭn bruă kahan ksiêm Lào, Wăl tač hiu čhưn ênguê Lào - Việt Nam leh anăn anôk mĭn tĭng mkŏ mjing Sang hră gưl prŏng bi hgŭm Lào - Việt Nam.