Khua gĭt gai Đảng, Khua lăn čar Tô Lâm bi mni kơ klei hơêč hmưi mơ̆ng Đảng Cộng sản Mi leh anăn mah jiăng Mi ƀri wưng Việt Nam mkŏ mjing tŭ jing Klei bi kƀĭn tal XIV mơ̆ng Đảng; mbĭt anăn bi mni kơ klei khăp, klei bi mguôp lehanăn klei sa ai mơ̆ng Đảng Cộng sản Mi mbĭt hŏng lu ênuk gưl mah jiăng, mnuih ƀuôn sang jăk siam Mi brei kơ Việt Nam.

Khua gĭt gai Đảng, Khua lăn čar Tô Lâm mñă klă Đảng Cộng sản Việt Nam dlăng yuôm klei mjĕ giăm hƀuê ênuk hŏng Đảng Cộng sản Mi, čang hmăng dua tĭng lŏ dơ̆ng mđĭ klei bi trông, kah mbha klei thâo, đru bi kjăp klei mjĕ giăm leh anăn klei thâo săng plah wah mnuih ƀuôn sang dua ala čar. Bi ala kơ Đảng Cộng sản Mi bi êdah klei hơ̆k mơak ti anăp dŭm boh tŭ mđĭ kyar mơ̆ng Việt Nam, bi mklă klei čang hmăng lŏ dơ̆ng mtrŭt mđĭ klei mjĕ êrô, bi hgŭm plah wah dua Đảng leh anăn mđĭ klei mjĕ giăm plah wah mnuih ƀuôn sang dua ala čar.