Hlăm klei bi kƀĭn, dŭm phŭn, dhar bruă, alŭ wăl hưn mdah hnơ̆ng ngă bruă, klei dleh dlan, gun kpăk leh anăn ba mdah hdră msir čiăng mđĭ boh tŭ ngă bruă mơ̆ng dŭm anôk bruă mtô bi hriăm leh mkŏ dăp. Hluê si Phŭn bruă sang hră mtô bi hriăm, truh kơ ară anei, kluôm ala adôk 281 anôk bruă mtô bi hriăm bruă knŭk kna, hrŏ 33 anôk bruă, bi knar 10.5% mkă hŏng knhal jih mlan 7.

Mtô bi hriăm gưl prŏng ară anei mâo 130 anôk bruă knŭk kna, hrŏ 3 anôk bruă. Klah čŭn klei bi kƀĭn, K'iăng khua knŭk kna Lê Tiến Châu mtă kơ dŭm phŭn, dhar bruă, alŭ wăl mjêč bi leh hdră êlan, bi mklă anôk bruă djŏ guôp, bi mŭt mbĭt, bi hrŏ amâodah ba jao, rơ̆ng bi leh êlâo kơ hruê 1/10/2026; mbĭt anăn amâo brei klei mkŏ dăp hmăi truh kơ bruă mtô bi hriăm leh anăn klei tŭ dưn phung hriăm.