Blŭ hrăm hdră êlan, Khua gĭt gai Đảng, Khua lăn čar Tô Lâm brei thâo, Đảng leh anăn knŭk kna Việt Nam mâo hdră êlan hluê ngă nanao hdră êlan hŏng tač êngao êngiê, čŏng pô, čŏng kpưn đĭ, lu tĭng, lu jơr. Mbĭt anăn čang hmăng bi êlam hĭn klei bi mjĕ hŏng dŭm ala čar, hlăm anăn bi mklă Mi jing sa hlăm dŭm ƀĭng hgŭm yuôm bhăn tal êlâo.

Khua gĭt gai Đảng, Khua lăn čar Tô Lâm mtă kơ dua ala čar krơ̆ng kjăp klei bi mjĕ, mjing tur knơ̆ng kđi čar hơĭt kjăp, sui thŭn klă sĭt năng hŏng klei bi mjĕ Ƀĭng hgŭm phŭn kluôm dhuôm plah wah dua ala čar. Mbĭt anăn hmăng hmưi mđĭ boh tŭ dưn dŭm klei bhiăn bi blŭ hrăm, bi trông klă mngač, sĭt suôr hŏng Mi kơ dŭm bruă bi mđing, gĭr msir mgaih bi djŏ dŭm klei amâo thâo bi djŏ. Khua gĭt gai Đảng, Khua lăn čar mñă klă, Việt Nam mprăp mbĭt hŏng Mi lŏ dơ̆ng ba klei bi mjĕ Ƀĭng hgŭm phŭn kluôm dhuôm plah wah dua ala čar đĭ kyar ƀrư̆ hruê ƀrư̆ êlam hĭn, klă sĭt hŏng tur knơ̆ng bi mpŭ hdơ̆ng pô, mâo klei tŭ dưn mbĭt.