Wưng thŭn 2026-2030, dua tĭng bi tŭ ư mđĭ hdră bi hgŭm hlăm dŭm mta bruă mnia mblei, duh bi liê, bruă lŏ hma, hiu čhưn ênguê, bruă mtô mjuăt bi hriăm, mđĭ kyar mnuih mă bruă, dhar kreh - ala ƀuôn leh anăn klei êđăp ênang. Hlăm anăn, dua čar srăng mđĭ hĭn klei bi mguôp anôk bruă duh mkra, mtrŭt mđĭ klei mnia mblei, duh bi liê, kah mbha klei thâo mkra mjing, mkra mjing mnơ̆ng dhơ̆ng lŏ hma leh anăn mkŏ mjing dŭm mta mnơ̆ng dhơ̆ng hiu čhưn ênguê mbĭt.

Dak Lak leh anăn Champasak gĭr ba ênoh yuôm klei mnia mblei - bruă nah tluôn dua tĭng đĭ 15/20% grăp thŭn leh anăn mtrŭt mđĭ mkŏ mjing mơ̆ng 5/10 hdră duh bi liê hlăm 5 thŭn. Nguyễn Thiên Văn, kiăng khua knơ̆ng bruă sang čư̆ êa čar Dak Lak, lač bruă pŏk mlar klei bi mguôp bruă duh mkra srăng mjing thiăm boh kdrŭt kơ klei bi mguôp plah wah dua alŭ wăl.