Hdră bruă prŏng êbeh 313 ha, pŏk ngă 3 wưng; knŏng wưng tal 1 prŏng êbeh 66 ha, ênoh prăk duh bi liê 802 êklai prăk. Leh êbeh 3 mlan mphŭn rŭ mkra, hnơ̆ng ngă bruă mrâo mâo hlăm brô 13.3% hdră kčah; lu mta bruă êmưt hnơ̆ng ngă bruă, hră mơar ngă bruă, hưn mdah leh anăn dŭm klei kčah mtrŭn kơ klei duh bi liê, rŭ mdơ̆ng, wăl hdĭp mda dôk mâo.

Khua knơ̆ng bruă sang čư̆ êa čar Dak Lak Đỗ Hữu Huy mtă kơ pô duh bi liê mđing ai dưi, mđing tal êlâo bi leh anôk bruă nah gŭ, krơ̆ng kjăp Anôk bruă kriê dlăng hdră lehanăn bi mklă hnơ̆ng ngă bruă hŏng ênoh klă klơ̆ng. Khua knơ̆ng bruă sang čư̆ êa čar mñă klă: "Brei bi mklă dŭm hdră bruă mđing tal êlâo, ƀiă êdi jing kơ êlan klông, snăn pui kmlă, êlan klông rơ̆ng čiăng kơ phung duh bi liê tal dua diñu mŭt diñu mưn."