Nao ti knăm anei mâo giăm 100 čô bi ala dŭm Phŭn, dhar bruă Gưl dlông mbĭt hŏng êpul êya anôk bruă duh mkra ti čar Dak Lak. Hŏng hnơ̆ng kphê êbeh 560 êbâo ton, tiu 84 êbâo ton, boh durian 400 êbâo ton leh anăn kan hdang giăm 51 êbâo ton grăp thŭn, čar Dak Lak mâo mnơ̆ng dhơ̆ng lu, mkăp djŏ hŏng klei čiăng mkra mjing, ba čhĭ leh anăn ba čhĭ kơ ala tač êngao. Khădah snăn, bruă ba čhĭ dŭm mta mnơ̆ng lŏ hma, mnơ̆ng hlăm êa phŭn mơ̆ng alŭ wăl ăt kƀĭn lu ti dŭm anôk mnia mblei msĕ si China, Mi, Japon, Dhŭng Korea leh anăn EU…

Hlăk êjai anăn, anôk mnia mblei dŭm ala čar Islam, mâo krĭng Arab, Malaysia, Indonesia… mâo ka truh 9% mnơ̆ng ba čhĭ kơ ala tač êngao mơ̆ng Dak Lak. Sa hlăm dŭm mta phŭn jing kyua anôk bruă duh mkra Việt Nam dôk kƀah klei hâo hưn kơ klei čiăng mơ̆ng anôk mnia mblei Halal, dŭm klei čuăn leh anăn hnơ̆ng čuăn Halal čiăng mkăp djŏ hŏng klei čiăng ba čhĭ.