Hlăm 5 thŭn êgao, hdră bruă Ƀĭng ngă lŏ hma bi lông ktưn mkra mjing, mnia mblei mbruă, hgŭm mguôp đru hdơ̆ng pô đĭ kơ mdrŏng leh anăn bi hrŏ ƀun kjăp ti Dak Lak jak iêu leh êbeh 1.19 êklăk gưl gŏ êsei ƀĭng ngă lŏ hma čih anăn nao hgŭm; kah knar grăp thŭn giăm 239 êbâo gưl gŏ êsei mâo anăn knăl mkra mjing, mnia mblei mbruă.

Ti anôk bi kƀĭn, phung bi ala kah mbha lu klei hriăm hlăm boh sĭt hlăm hdră mđĭ kyar bruă duh mkra ngă lŏ hma, êdah êdi jing dŭm gru hmô pla mjing, mnia mblei thâo; mtrŭt mjhar mnuih ƀuôn sang myơr lăn pŏk mlar êlan klông krĭng ƀuôn sang; bi mlih hdră mkŏ dăp mnơ̆ng pla, mđĭ kyar krĭng thơ̆ng ba pla boh durian djăp hnơ̆ng čuăn VietGAP mguôp hŏng mkŏ mjing mrô krĭng pla mjing mkăp kơ hdră ba čhĭ kơ ala tač êngao. Anei dưi tĭng dlăng jing dŭm gru hmô dưi mđĭ lar hlăm wưng kơ anăp.