Hdră bruă kñăm mkŏ mjing klei bi lông ktưn prŏng, iêô mtrŭt klei nao hgŭm mơ̆ng dŭm gưl, dhar bruă leh anăn alŭ wăl, ruh mgaih klei kpăk kơ anôk ala, mtrŭt bi pral dŭm hdră bruă phŭn hlăm krĭng. Hdră bruă kƀĭn kơ 40 hdră bruă phŭn, gĭr ksiêm dlăng, bi mrâo hnơ̆ng 100% hdră bruă; bi leh msir mghaih jih hră mơar tla hnô djăp klei găl mâo; mâo mơ̆ng 90/95% ênhă ruh mgaih anôk ala hlue si hdră kčah grăp hdră bruă; brei čan 100% ênoh prăk tla hnô, đru, lŏ mkŏ mjing anôk dôk mrâo dưi dăp leh anăn msir mgaih jih klei kčŭt hưn, klei akâo dôk hlăm klei dưi.

Hdră bruă dưi pŏk ngă hlăm 45 hruê hŏng 3 wưng, mâo: ksiêm dlăng, ruh mtlaih dŭm anôk kpăk đuôm; mđing ksiêm yap, bi mklă hdră msir, tla prăk tăk leh anăn ba jao anôk ala; bi leh dŭm hnơ̆ng čuăn adôk, msir mghaih klei dôk mâo, ksiêm wĭt, tĭng dlăng boh tŭ hlue ngă.