Brei klei blŭ mguôp kơ klei čuăn brei dưi ba yua hnơ̆ng rơ̆ng klei êđăp ênang mdê hŏng klei čuăn, Khua bruă kƀĭn ala Trần Thanh Mẫn mtă brei bi mklă hnơ̆ng čuăn, hnơ̆ng, klei găl, wưng ba yua leh anăn hdră ksiêm dlăng, ktuê dlăng klei amâo myun.

Kơ pô dưi dưn klei tŭ leh anăn hưn mdah klei ngă bruă năng mđing, brei mâo klei ktrâo lač klă klơ̆ng, bi mklă čiăng hluê ngă bi sa hnơ̆ng. Djŏ tuôm hŏng bruă ngă pô đru kčĕ kriê dlăng ngăn drăp rơ̆ng kơ klei brei čan prăk mơ̆ng knơ̆ng bruă ngăn prăk, Khua bruă kƀĭn ala mñă brei bi klă klei dưi, bruă klam dŭm tĭng leh anăn hdră ksiêm dlăng klei amâo jăk, hluê ngă klei bhiăn kriê dlăng klei amâo myun.