Klah čŭn klei bi kƀĭn, K'iăng khua knŭk kna Lê Tiến Châu mñă klă: bruă sang hră mtô bi hriăm brei krơ̆ng kjăp knhuah, gĭr mlih mrâo hluê êlan mrâo mrang, ñŭ kma ƀiădah brei răng, kjăp leh anăn mâo klei ruah. Kơ bruă bi lông leh anăn hrŏng ruah, K'iăng khua knŭk kna mtă brei bi mklă mta kñăm mơ̆ng grăp klei bi lông.

Hŏng hrŏng ruah adŭ 10, Phŭn bruă sang hră mtô bi hriăm brei čih mkra hnơ̆ng čuăn, mđĭ klei mbha gưl, mjuăt bi hriăm bruă; jao kơ alŭ wăl čŏng ruah hdră hrŏng ruah djŏ guôp, knŏng mkŏ mjing klei bi lông hŏng dŭm sang hră thơ̆ng leh anăn sang hră hnơ̆ng jăk čiăng bi hrŏ klei ktrŏ kơ phung hđeh sang hră.Hŏng klei bi lông hriăm jih gưl 3, k'iăng khua knŭk kna mtă lŏ dơ̆ng krơ̆ng kjăp čiăng rơ̆ng klei bi mklă hnơ̆ng čuăn, mbĭt anăn mlih mrâo klei thâo bi mklă leh anăn hdră ksiêm dlăng. K'iăng khua knŭk kna lač bruă sang hră mtô bi hriăm brei msir mgaih ktang klei ngă soh ƀiădah brei rơ̆ng klei thâo khăp, gĭr lăm lui klei ngă soh, rơ̆ng kjăp hdră êlan mlih mrâo kyua hnơ̆ng jăk klă sĭt.