Hlăm wưng mơ̆ng 26/7 truh 3/8, Êpul K52 dưi ƀuh, bi kƀĭn mâo 3 klang lĭng kahan djiê êngiă; truh hruê 4/8 lŏ dơ̆ng ƀuh thiăm 3 klang, mđĭ ênoh klang lĭng kahan dưi bi kƀĭn hlăm gưl anei truh 6. Leh thâo ƀuh, knuă druh, lĭng kahan anôk bruă mkŏ mjing leh klei kuăi mă hlue si hdră kčah, rơ̆ng ngă kjăp; klang kleh dưi ba kơ Anôk bruă gĭt gai lĭng kahan să Ia Boòng čiăng kkuh hdơr, kriê pioh leh anăn bi leh hră mơar bi mklă.

Boh tŭ anei dưi mâo kyua klei bi hgŭm kjăp plah wah êpul tui duah hŏng gưl bruă Đảng, bruă sang čư̆ êa, anôk bruă lĭng kahan alŭ wăl leh anăn mnuih ƀuôn sang hlăm klei hrui mă, bi mklă klei hâo hưn. Ară anei Êpul K52 lŏ dơ̆ng pŏk mlar hnơ̆ng tui duah ti ƀuôn Sơr leh anăn dŭm krĭng wăl riêng gah mâo klei hâo hưn kơ anôk dơr phung kahan djiê ngiă.