Hluê si hdră kčah, thŭn 2026, Gia Lai srăng mkŏ mjing hră mơar mkŏ mjing ƀuôn hgŭm hŏng dŭm să Phù Mỹ, Tây Sơn, Tuy Phước, Čư̆ Sê leh anăn An Nhơn Tây. Thŭn 2028, lŏ dơ̆ng pŏk ngă hŏng dŭm să An Lương, Cát Tiến, Đak Đoa, Đức Cơ, Ia Grai, Phù Cát, Tuy Phước Đông leh anăn Bình Khê. Truh thŭn 2030, čar Gia Lai srăng mkŏ mjing hră mơar mkŏ mjing ƀuôn hgŭm hŏng dŭm să Đề Gi, Čư̆ Prông leh anăn Bình Dương.

Bruă mkŏ mjing hră mơar Hdră bruă dưi ngă hlăm tur knơ̆ng Hdră bhiăn mkŏ mjing bruă sang čư̆ êa alŭ wăl thŭn 2025, dŭm hdră mtrŭn mơ̆ng Dhar bruă gĭt gai bruă kƀĭn ala kơ klei bi mklă ƀuôn prŏng, hnơ̆ng čuăn anôk bruă knŭk kna leh anăn dŭm hră mơar mtô mơ̆ng Knŭk kna, Phŭn bruă kiă kriê bruă knuă. Mta kñăm mơ̆ng hdră jing mkŏ mjing hră mơar Hdră bruă rơ̆ng djŏ hdră, klei bhiăn, klei dưi hluê si klei kčah mtrŭn; djŏ guôp hŏng Hdră čuăl mkă čar Gia Lai, Hdră mđĭ kyar ƀuôn prŏng leh anăn hdră tă mđĭ kyar bruă duh mkra - ala ƀuôn mơ̆ng alŭ wăl.