Hluê si hdră čuăl mkă, ƀuôn prŏng Quy Nhơn mâo ênhă hlăm brô 1.191 km², mâo 19 anôk bruă knŭk kna, ênoh mnuih ară anei hlăm brô 884.000 čô. Quy Nhơn dưi tă hdră jing anôk bruă kreh knhâo, mlih mrâo mbruă leh anăn klei thâo anak mnuih mâo hnơ̆ng krĭng wăl leh anăn tar rŏng lăn; mđĭ kyar hluê hdră duh mkra êa ksĭ, bruă tuh tia mrâo mrang, logistics leh anăn bruă nah tluôn hnơ̆ng jăk.

Hlăk êjai anăn, ƀuôn prŏng Pleiku mâo ênhă hlăm brô 1.263 km², mâo 13 anôk bruă knŭk kna, ênoh mnuih ƀuôn sang hlăm brô 559.000 čô mnuih. Pleiku dưi bi mklă jing ƀuôn prŏng phŭn krĭng Lăn Dap Kngư, anôk đĭ kyar nah Yŭ, krơ̆ng bruă klam mkŏ krĭng Lăn Dap Kngư hŏng krĭng ktuê hang ksĭ leh anăn dŭm ƀăng jang knông lăn ala čar. Pleiku srăng đĭ kyar hluê gru hmô lu anôk, lu êlan, mđing kơ bruă lŏ hma ba yua kdrăp mrâo, bruă tuh tia mkra mjing êlam, logistics, mnia mblei - bruă nah tluôn leh anăn hiu čhưn ênguê wăl mnơ̆ng hdĭp, dhar kreh. Jih dua ƀuôn prŏng dưi tă hdră truh kơ hnơ̆ng čuăn jing ƀuôn prŏng mta II hlăm thŭn 2050.